Fa’afotu o le va’a-ali’i i Sapapali’i

Ripotia e Sarafina Sanerivi

Fa’aliliu e Maiava

 

ADVERTISEMENT

Na tumutumu le Maota-o-Gataiala i Sapapali’i i Savai’i mo le fa’atinoina o se tasi o fa’amoemoe maualuga a suli o Sa-Malietoa Natuitasina i le Aso To’ona’i talu ai.

O le sao-i-matau ma le fa’afotu o le va’a-ali’i a le suafa Papali’itele ma le suafa Taimalelagi, a nisi o suli o le Aiga. 

E to’alima i latou o sui o le Aiga na fa’ae’e iai le suafa Papali’itele ae to’alua na fa’asuafaina i le suafa Taimalelagi. 

Na amata sauniga masani i se sauniga na ta’ita’ia e le Fa’afeagaiga a le Afio’aga, le Susuga a ‘Auatama Esera o le Ekalesia Fa’apotopotoga Kerisiano Samoa i Sapapali’i lava.

O i latou ua sao-i-matau, e aofia ai Papali’i Vainu’upo Papali’i, Papali’i Michael Tia’i, Papali’i Pa’o Mua’au, Papali’i Lei’a Lei’a ma Papali’i Fereti.

Mo le suafa Taimalelagi, o Taimalelagi Sanitoa ma Taimalelagi Fuifui Elekana.

ADVERTISEMENT
Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?