Ave le fa’amuamua i fanau

By Sarafina Sanerivi 23 January 2017, 12:00AM

“O si o matou aiga o lo’o sologa lelei mea  uma i le alofa o le Atua.” Siaopo Fesola’i 42 le matua o le soifua o Faleasi’u.

O le maua ai o le fa’atalatalanoaga ma le Fofoga o Samoa na ia fa’ailoa ai o le taimi lenei o lo’o ave lana fa’amuamua i le tausiga ai o lona aiga.

“Ia o a’u e to’alua si a’u fanau ma o lo’o i le aoga i le taimi lenei, o le itu mautinoa ia o lea lava le fa’anaunauta’iga o so’o se matua mo fanau ia manuia.

“E pei ona tau mai ai fo’i ia o lea e sauna e alu efaigaluega ina ia fa’apea ona maua sina tupe aua le tausiaina o aiga.

“E tatou te tau faiioe i le taugata o le tau o le soifuaga o lo’o ua tatou i ai lenei taimi, aepeitai e leai se mea e mafai ona fai ai.

“E pule lava le malo i a latou gaioiga aua e tatou te fiu lava e taumafai atu ia ae leai lava.

“O lona uiga o le a le aluga o lenei olaga ae le mafai lava se togafiti i ai, ia o le a alu pea i luga le taugata o mea uma.

Na ia fa’ailoa o le taimi lenei o lo’o ave lana fa’amuamua i aoga a lana fanau.

“Ia o si a’u fanau e pei o le fatu lea i a te a’u, o le una’i ai pea o i latou i le olaga ina ia mafai ona maua so latou lumana’i manuia.

“O se itu e ao ai lava i fanau ona va’ava’ai i ai, ia e tate toaga lava e faigaluega mo i latou.

“E pei o lo’u ia naunautaiga ia manuia lo latou manuia, afai lava e matutua alofa mai lelei, a leai fo’i , lelei , ae o le itu pito sili ona taua ua fai lo ma tofi o le va’ava’ai lelei lea o mea’alofa na aumai e le Atua.

“Ia masalo e leai lava se matua e mana’o e i’u leaga fanau, o le fa’anaunautaiga lava lea o lo’o ua i ai le taimi lenei ia mafai ai lea ona maua le fesoasoani mo nai fanau.

“Ia ola ma tutupu mai e aoga i aiga, nu’u, atunu’u ia aemaise le galuega a le Atua.

“O lea le itu e saga manuia ai pea lo latou ola tuputupu a’e.

By Sarafina Sanerivi 23 January 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>