Mafutaga Fa’ale-faifeau
O se mafutaga fa’ale-faifeau o lo’o fa’agasolo nei i le Ekalesia o le Seleselega i Togafuafua ma e tolu aso o lea mafutaga.
O le to’atele o i latou o lo’o ua mafai ona auai e aofia ai le tele o faifeau i Samoa nei ma o latou faletua mai Amerika Samoa, Upolu ma Savaii.
O le Aso Lua na amata mai ai lea mafutaga ma o le Fa’afeagaiga i a Fa’afetai Fata o le Ekalesia o le Seleselega na saunoa e tatala aloaia lea fa’amoemoe taua.
E tele nisi o failauga o lo’o ua auai i lea mafutaga taua lea e aofia ai Dr. Anthony Phua mai le Aoga Tusi Paia mai Asia ma le Pasefika ma Perofeta Les Dowie o Niu Sila.
O Dr. Anthony Phua o se tasi o lauga fa’apitoa i le po o le Aso Lua.
Na fa’aiuina lea mafutaga anapo e Perofeta Les Dowie.
Na fa’ailoa e i latou na mafai ona auai le taua tele o lea tu’ufa’atasiga mo i latou na mafai na mafai ona auai aemaise o e na maua le avanoa e fa’alogologo ai aua le aga’i atu ai le lumana’i i le galuega fa’atala’i ma le fa’alauteleina o le finagalo o le Atua.