Fa’amalo le tau Joseph!

O le agaga fa’afetai o le to’atele o le mamalu o le atunu’u le mafai ai lea ona malaga mai le alo o Samoa i le atunu’u , lea ua lauiloa i faipelega  - i a  La’auli Joseph Parker i le aso ananafi.

“Ou te iloa lava e a’u ia e le gata ina tapua’ia e Niu Sila ae pei e silisili ai lava Samoa nei, ma o lea le agaga fa’afetai ma le fiafia o le atunu’u i le tele o alo ma tamafanau o lo’o tausinio i ta’aloga – ia a’e ma le manuia.” Penani Safua, 57 le matua o le soifua o Fusi Safata.

“I a te a’u ia , a fua atu ai le 24 o ona tausaga i le taimi lenei ma le tulaga lea ua ia ausia ia o le lagona lava e tasi o lo’o tau fai maua e le to’atele o le mamalu o le atunu’u – happy lava!

“Fa’amalo le tau, malo le lotonu’u!

“E pei fo’i la o le taunu’u mai ai o La’auli, ia e moni lava o le Aso Sa lea ua sau ia, ia o le aso o le Ali’i e tau patipatia ai le alofa ma le agalelei o le Atua i le fa’aaogaina pea o le ola o  nai o tatu fanau.

Sa ia fa’ailoa o La’auli o le a le taumate le avea ai o ia ma se tasi o fetu pupula o le ta’aloga o faipelega i Samoa nei ma le lalolagi.

“Ia o le isi lea itu lelei ai o alo nei o Samoa o lo’o ua maualuga lo latou ausia ai o ta’aloga nei, aua fo’i o le a una’ia ai le to’atele o fanau o le atunu’u.

ADVERTISEMENT

“E tele lava ni a’oa’oga lelei ma lesona mo’i latou, e le gata i le fa’amaoni i so’o se vaega o lo’o fa’atinoina ae ia aua ne’i fiu gofie.

“Aua ou te iloa o le tele lava ia o fa’afitauli o lo’o feagai ma fanau i le tele o ta’aloga e na’o sina taimi lava ia va’ai atu fo’i ua nofo.

“Ae pei o lea le fiafiaga i a te a’u lava ia ma le mitamitaga i lea fo’i alo o le atunu’u ona o le tele o vaega lelei ua ia toe aumai aua le atina’eina o lenei ta’aloga o faipelega i Samoa.

“Ia talosia ia ia aua ne’i gata ai i a David Tua ma Joseph nai a tatou fanau e solia le kapoleni o le lalolagi ae ia fa’aauau e tupulaga o lo’o i le lumana’i.

Na ia fa’ailoa o lona naunauta’iga ia mafai lea ona ausia e Joseph le fusi manumalo o le lalolagi.

“O lau ia lea miti mo sia fo’i alo o le atunu’u, ae tatou fai tatalo ia , atonu e le’o toe mamao.

“Ae momoli atu o’u alofa’aga e le mavae i le atali’i, ia alofagia e le Atua le taleni, ma ia fa’amuamua le Atua i ona ala uma.

“Ia manuia lava le Kirisimasi ma le Tausaga Fou.

“Go Joseph Parker!

ADVERTISEMENT
Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?