Galuega Mamana o le Ekalesia
O le alu i le lotu o le i si auala lea, ae o le savali ma ola ina o le upu mai le lotu, o le mea sili lea ona taua.
O le fa’asoa mai lea o le ali’i ia Fiti Vaovasa mai le afioaga o Vaitele.
Na feiloa’i atu le Fofoga o Samoa Ia Fiti Vaovasa ao ia aga’i atu i se fa’atasiga o lana autalavou i le maota o le galuega.
Taua ai e le ali’i ia Fiti Vaovasa le tele tele o le aoga o le Lotu i totonu o le latou afioaga.
“Ou te talitonu o le ituaiga nu’u lea e i ai le matou nu’u iinei i Vaitele, o tagata mai ii ma o o Samoa atoa, ae o le Lotu ua faapena ai ona tasi lava I matou.”
“O le lotu ua faapena ona tu’u fa’atasia le matou nu’u i lalo i le fa’amalumaluga o le Ali’i, aua e leai ni faiga nu’u poo ni pulega a ali’i ma faipule i le matou lotu nei.”
Na saunoa foi Fiti Vaovasa ua fesoasoani foi le lotu i le fa’afealofaniina o tupulaga lalovaoa o le latou nu’u.
“O le tupulaga lava le vaega pito i faigata lava lea ona fa’atonu ae peita’i ua avea le masaniga i le lotu ua matuai mafanafana le faigofie ona fai le mafutaga fa’a le tupulaga.”
Na ia taua foi lona agaga fiafia lea e fesoasoani ai i tapenaga uma lava o mea e fia fa’aleleia i totonu o le ekalesia.
“Ou te galue malosi ma le fiafia e lagolago ina uma mea fai o le matou nei lotu ona o le matagofie o le a’oa’oga o lo’o ou mau mai lea le lotu.”
“Ou te talitonu foi aua o tatou uma lava o tagata e o i le lotu, ia ou te fiafia lava e fesoasoani atu i le matou faifeau aeamaise the aulotu i so’o se mea lava e mana’omia ai la’u fesoasoani."
Na toe taua foi e Vaovasa e ui lava ina leai se pulega a ali’i ma faipule i totonu o le latou afioaga ae o lo’o tumau pea lona talitonu o lo’o saogalemu lava o ia i totonu o lana afioaga.
“Ou te fiafia pea e fa’aali atu o le Lotu ua fa’apena ai ona sefe ma saogalemu lenei aai ona o le mafutaga i le Ali’i Atua ua a’oa’oina mai e le Ekalesia.”
“O lo’o ou fiafia foi e fa’ailoa atu o le lotu e le na’o le e tatalo ae e mafia foi ona maua ai le mafutaga fiafia ma tagata i le fa’amamalu mai o le Agaga Paia o le Atua i le lautele.”