O lo’o maua pea le malosi

By Vatapuia Maiava ma Ilia L Likou 09 September 2016, 12:00AM

O Fagasau Lole Laulu,  o se tinā ua 76 le matua o le soifua mai le afioaga o Fasito’o –Uta ma e to’afa ona alo.

E le’i leva atu nei ona maliu le tamā o le aiga, ma ua fai to’alua le fanau to’atolu matutua ae se’i vagana ai se tasi o ona alo tama na ia fa’ailoa i le Fofoga o Samoa i le aso ananafi e le’i leva ona to’esea mo Ausetalia aua lava se fesoasoani mo le fausiaina o se maota lelei o le aiga.

O le Ekalesia Fa’apotopotoga a le Atua i se tasi o pitonu’u o le afio’aga o lo’o auai ai o ia, ma o le taimi lenei ua na’o ia le aiga.

“Ua 76 o’u tausaga ae o lea ou te malosi lava, ia o a’u ou te lafoa’i lo’u nofo fua ma lo’u nofo ai i mea o le tino i le  Finagalo a Tamā (le Atua),” Fagasau Lole Laulu.

“Aua e  alualu nei foi maua sa’u tupe i lenei vaiaso, aua o le tasi lea o mea e maua mai ai a’u fa’amanuiaga pe a ou alu i Apia , e te’i lava o le maua o sa’u tupe mai se isi ma te fa’atalofa pe fetaui fo’i.

Na fa’ailoa e le tinā i a Fagasau e pau le tulaga o lo’o silasila ai i le taimi lenei o le suiina lea o apa o lona maota o lo’o i ai nei.

“O le mea lea ua tu’ua ai e si a’u tama iinei ae  alu i fafo, e alu e taumafai mai lo ma fale , o le fale lenei ua 7 tausaga.

“Na ou  fai i la’u tama lea na alu i (atunu’u mamao), ua lava a sia mea, afai ae fai ai se gaioiga a Lawrence (atali’i o lo’o i atunu’u mamao) ia o lena a.

 “Ae afai lava e finagalo Tamā ou te alu i le si’itiaga, ia e ta’atia lava nei mau mea uma, aua ou te le alu ma ave ni fale, ae o le mana’o o la’u fanau ia lelei se mea e omai nonofo ai.

E i ai se isi alagtupe e maua mai ai e oe le tinā se fesoasoani?

“O nisi o taimi e maua la’u tupe i lo’u tuagane o lo’o su’isu’i i Papauta, a maua mai a la’u $50 ia ona ave’ese ai loa lea o mea e sefulua’i mea.

“O se isi tupe e totoe  ou te fa’aaogaina e  fa’atau ai a’u suka , fasimoli ma isi mea na.

 “E fai lava e a’u ia a’u ia feau ,a maua sa’u tupe ia ou alu su’e mai se isi e aumai e moa le vao…aua e $20 le tupe e totogi (moaina o le vao).

 “O lo’o sologa lelei lava mea’ai latou, e leai se mea e popole ai fo’i, a leai foi se tupe e maua mai ai se mea’ai po o se moa o  le afiafi,  ia ua saka se fuamoa.

“E i ai pu’aa e i a foi moa, pei a la o le mea lea e faalagolago ai lo’u nofo ai na’o a’u.

“Ou te ta’u sa’o atu lava ou te le’o popole lava i se mea , pe e i ai sa’u tupe pe leai foi , o lo’o  soifua lava Tamā e maua mai ai sa’u tupe.

“E  pei ona outou tau mai ai fo’i nei, fa’atoā o’u fo’i mai le fono tatalo ma o lea e maua lava a’u tupe aua ou te malosi lava  ou te  alu i vaveao i le fono tatalo.

By Vatapuia Maiava ma Ilia L Likou 09 September 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>