Ua lē mautinoa le lumana’i o le Samoa Helicopters

By Faaliliu e Seagaitumua Tupuola 17 August 2016, 12:00AM

O loo tumau pea ona le mautinoa le lumana’i o le Samoa Helicopters Company

E ui lava ina o loo totoe ai pea se helicopter e tasi i Mulinuu, ma o loo faifai malie ona ‘elea e aunoa ma se faafetai i le matagi mai le matafaga o loo latalata ane, ma o ni taumafaiga ina ia maua mai se tala lata mai-mai tagata o loo i tua o lea kamupani-ua faamaonia lava le leai o sona aoga.

O Emeli sa auina atu i le Pule, o Rodger McCutcheon-sa le maua mai ai se tasi i le taimi o lenei lomiga i le taimi mulimuli. O valaau tau Telefoni i le Samoa Helicopters rescue hotline –sa le tali maia foi.

Ae o fesili mai sui o le atunuu lautele o loo faateleina pea-e uiga i le lumana’i o se pisinisi lea na amata i se tulaga ese-pe a fua i le faamaoniga uiga ese a le Palemia o Tuilaepa Sailele Malielegaoi-i luma atu lava o le Faiga-Palota Lautele ia Mati.

Mo ni nai masina mulimuli ane ai, na aliali mai le matua talia lelei e le kamupani  faatasi ai ma le faaaogaina o le helicopter mo malaga, se faaipoipoga ma se gaoioiga tau lavea’i i Savaii.

O le tulaga na tupu se’ia o’o i se taimi ua mavae atu lea na faafuase’i ai ona taofia le felelea’i o le vaalele. O ananafi, o le ofisa itiiti lea e soso’o ma le Sails Restaurant i Apia o loo tumau pea ona faatulagaina e peiseai ona i ai ia Aperila, vagana ai le vaalele helicopter lea ua leva ona le toe gaoioi mo se taimi umi e o’o mai i le taimi nei.

Ina ua faavaeina e McCutcheon se mea e avea ma mea muamua a le atunuu tau auaunaga mo le fesosoani muamua, o le tulaga o le ‘ea sa lelei. Talu mai lena taimi-ua matua leai lava se leo o mea e uiga i le nofoaga o loo i ai lea kamupani.

.Ina ua talosagaina mo se manatu faaalia ia Iuni o le taimi muamua lea na taofia ai lea auaunaga, sa tumau pea ona le fia tali mai Mr. McCutcheon..”O loo faagasolo lelei mea mo le faagaoioiga o le Samoa Helicopters,” o lana faaaliga lea.”

Na ia faamatalaina i lena taimi e faapea o loo “uia e le vaalele helicopter se suiga tau pulega, (ma) o le a pulea ma resitalaina i totonu o Samoa (....) o loo faafoe e ni pailate Niu Sila ma ni foma’i Samoa.”

E tusa ai ma nisi o ana faamatalaga lata mai talu ai nei e uiga i le fola lautele tau nusipepa, sa folafola mai e Mr. McCutcheon e faapea a toe taliu mai  Samoa Helicopters, “o le a sili atu ona lelei le auaunaga i lo le tulaga muamua.”

Ae o nei folafolaga uma na fai i masina ua mave atu.

By Faaliliu e Seagaitumua Tupuola 17 August 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>