O Oe, o A’u ma Tatou uma lava

By Mata'afa Keni Lesa 13 May 2016, 12:00AM

Sa faailoa mai e sa’u uo ia te a’u e faapea o le tala o Samoa e pei lava o se vaalele tele 747 jet- o loo tu i luga o le ala e faaaoga e vaalele e aunoa ma se pailate. O lea ua ia te outou sea masini malosi na te mafai ona fai avanoa e le uma –ae o lea e leai se pailate-ma o lona uiga-e leai se mea e alu i ai. Ae le o se faiga faanatinati. 

O lona uiga-o le mea ua manino mai e mana’omia-o se pailate -ae le o soo se pailate- ae o ia lea na te iloa ona faalele ese lenei manu mai le eleele ma aga’i atu i le ‘ea e faasino tonu i ai o ia. Ia- o fea la a tatou maua mau ai se pailate?

Ma-e faapefea la ona tatou sailia ina ia maua se pailate? O le tali-e faigofie lava. O oe o le pailate, o a’u o le pailate, o tatou lava o pailate o lo tatou lava faamoemoega. I le avea ma tagata Samoa mitamita, e tatau ona tatou tutū i luga ma aveese lenei mai le eleele ma tuu atu i lugā i le mea e faasino tonu i ai.

A tatou nonofo i lalo ma Iloilo mea o loo mafai ona maua, lu’itau ma le tulaga moni o le laueleele, tou te ono malilie ma a’u e faapea e anoano le tulaga aoga o loo i totonu o lenei atunuu. I le tulaga lautele, tulaga tau tamaoaiga, tulaga faale-agaga, ua ia i tatou mea uma lava. 

Ae peitai-e le faigofie ona tatou luluina ese le lagona e faapea e tatau ona sili atu lo tatou lelei i lo le tulaga o loo tatou i ai i le asō. E uiga ese -talu ai o loo faaauau pea ona tatou faia le laasaga e tasi i luma ma le sefulu la’a i tua.

I mea uma lava. O se lagona lea e faanoanoa ai ae peitai-o le mea moni lava lea. A tatou talanoa loa e uia i le ta’ita’iga, e masani ona tatou tilotilo i taimi uma i le malo. Tatou te tilotilo o le Ao o le Malo, le Palemia, Minisita o le Kapeneta ma i latou faapena mo le ta’ita’iga.

E le o se mea sese lea. Ia manatua foi-o i latou o tatou ta’ita’i. Ua latou i ai i lea tulaga mo se mafuaga. Ae peita’i-e le na o i latou ia ua i ai se matāfaioi tau le atiina a’e o lenei nofoaga ua tatou faaigoaina o le aiga. E tofu i tatou uma lava ma le matafaioi e faatino, mai le alii ofisa e aupito i sili ona maualuga i totonu o le atunuu i le tagata e le taualoa.

Ua i ai le tiute fai o Matua, e o’o lava i tamaiti ua i ai foi so latou sao taua e tatau ona fai. E faapena le faiga e ati a’e ai se atunuu. O lea itu e faasino i le una’ia o tagata ia latou maua le loto faafetai; e faasino i le pulea atoa o faafitauli uma lava, lu’itau ma faamanuiaga. 

E faasino i le fuafuaina ma le faamaoni o i tatou, le toe fuafuaina o le nofoaga ma le taimi e manaomia ai ona soso’o ai lea ma le matua loto maulalo e fai ai suiga. I Samoa nei i aso nei, ua matua fau sasaga le le amiotonu. 

O lea manogi leaga e afua mai le malo, ekalesia ma le le mafai e nuu ona fo’ia nisi o mataupu e sili ona faigata o loo faafeagai ma lenei atunuu -ia ua faigata tele ona talia.

O lea matou te talanoa atu i le faatupula’ia o faafitauli lautele ma le le mafai ona fo’ia mea e tutupu mai tau faiga pi’opi’o ma le faaaoga sese ia ua afaina ai le toatele o tagata e sili ona afaina ai-i totonu o lo tatou atunuu. 

A pa’ia loa le malo, o nei faalavelave ua uma ona faaalia manino e le Pule ma Su’etusi Sili faapea foi ma lipoti a le Komiti a Alii Ofisa o le Palemene (O.P.C.) i le Palemene. Ua uma ona faailoa atu auiliili ia i latou i luga o itulau o lenei nusipepa i lea taimi ma lea taimi.

O le Faimea Tonu? Mautali Atu” Faigamalo Lelei, Matou te le manatu o loo faapena. I totonu o le falesa, e i ai le mafuaga e talitonu ai e faaea o nisi o leoleo mamoe o loo faia ni mea leaga e sili atu i le lafu mamoe, ma tuua i latou i le faanoanoa ma le tulaga pagatia.

Alofa? Tausi? Alofa faapalepale? E matua leai lava.  

Ae mo nuu, matou te talitonu e mafai e le faiga faa-matai ona ofo atu ona ofo atu ni mea se tele –e fesoasoani ai i le malo ma ekalesia-ina ia fo’ia faafitauli o nei aso. O ia mea e aofia ai le faaaogaina o le paoa malosi o loo ia i latou e liua ai tupulaga talavou i se tulaga lelei.

E aofia ai foi i latou ina ia ta’ita’i e ala i se faata’ita’iga lelei-e ala i le faia o le mea sa’o.. 

O le ‘auga e faapea e tofu tagata uma ma le galuega e fai. Ioe-e i ai le matafaioi a le malo ina ia ta’ita’i ma faatino atiina a’e ae latou te manaomia foi se fesoasoani.

I se tasi faaupuga, e tatau ia i tatou uma ona fai le mea sili tatou te mafai ona fai ina ia mautinoa ai e faapea o tulafono ma faiga ua faata’oto ina ia mautinoa ai o loo i ai le faimea tonu i le atunu atoa ma o loo faaaloalogia.

O nei tulafono ma faiga ua faata’oto e taua tele ina ia mafai ai ona tuuina atu i le tagata vaivai o loo filp ia i tatou –lo latou sea talafeagai i le olga nei. I lenei Aso, matou te toe faamanatu tasi atu i o tatou ta’ita’i o i totonu o le malo, ekalesia ma i totonu o nuu e faapea o loo latou umia ia tulaga mo se mafuaga.

O lena mafuaga-e le o le puipuia lea o faimea sese ae o le faailoa o le mea moni, ia faatinoina le amiotonu ina ia mafai ai ona faasoa tutusa faamanuiaga mai le Atua mo tagata uma o Samoa.

Ma ona o le to’atele o i latou e alolofa fai mai ua tuuina atu i latou e le Atua i totonu o ia tulaga, ae faamanatu atu foi ia i latou e faapea afai ua tuuina atu e le Atua ia i latou le pule, o Ia foi na te aveeseina lea pule-i lana lava taimi.

O le mea lea-a’o latou umia ia tulaga o le pule, matou te una’ia i latou ina ia faaaoga lelei, ia faaaoga ma le poto-talu ai- e i ai le aso e valaauina ai i tatou uma-e tali atu mo mea laiti uma –o loo tatou faia.. E faapefea la oe ma a’u?

A faapefea tagata lautele i totonu o nuu uma lava? Ou te fia tuua outou ma se tusitusiga uiga ese o i luga o le Facebook na ‘ou maua ananafi. O se sao lea o Vaimasenuu Zita Martel i le mataupu tau feeseeseaiga i le va o a’oga lea ua matua afaina ai tagata uma. O se tusitusiga manaia tele, ua toe aumai ai le mataupu e faapea e tofu tagata uma lava ma se galuega e fai.

E faapenei lona faitauina:  “O fusuaga talu ai nei ma feteenaiga o loo tutupu ia tatou tupulaga talavou i a’oga maualuga ma kolisi, i le avea ma taiulu ma faia’oga o tupulaga talatou, ou te talitonu e le faigofie ona tatou lafoa’i ia tatou tupulaga tatou. 

“Latou te mana’omia tatou matua e ta’iala ia i latou. Latou te manaomia tatou ina ia tatou matua faalogo atu ma ia malamalama o tatou mafaufau ma ia tatala o tatou loto. Ua matua maoa’e le ita. Ua faateteleina sauaga. Ua tele na’ua le le faaaloalo i le ola. Ua tele na’ua mea o loo tutupu. E tatau ona tatou ole atu ia tatou tupulaga talavou ina ia ‘aua nei o latou fiu ai.

Aua-o ai o latou faia’oga muamua? O i tatou. O ai na mua’i tausi ia i latou? O i tatou. O a tatou fanau na fanau mai i se vaitau o le tekonolosi tau telefoni feavea’i ua le mafai ona ‘alo ese ai Samoa. 

Ona o le faaleagaina e le tekonolosi o tatou olaga masani faa-Samoa e pei ona tatou masani ai, ua suitulaga ia i tatou se atunuu tau amio mai totonu ma a aunoa ma Samoa-e le mafai ona fesoota’i i taimi uma. O le mea moni lenei e uiga ia i latou . O lo tatou tulaga moni lava lea 

O loo tatou soifua i totonu o le atunuu e faasoa ma le lalolagi e ala i fesootaiga lautele ia-o le toatele o i tatou matua Samoa-e le malamalama ai. O se lalolagi lelei lea e masani ai mo a fanau laiti ma o se tagata lea e ese i le toatele o i tatou.” 

 “O le mea ua tatou manatu o se mea e le aogai i tagata ma manatu e faapea o nei tamaiti e matua valea-o se mea masani lea ia tatou fanau ia e taaalo i o latou laugutu e aunoa ma se popole i le lalolagi nei –ina ia fai lava se mea e ese ai mo ia.

“I lenei vaitau o le una’ia i taimi uma, ua sili ona fesootai atu a tatou fanau i le tele o aafiaga mai fafo ma e pei lava o tamaiti talavou uma-ua matua numi ia i latou le felanulanua’i o fe’au ua latou vaai i ai.  O loo i ai le tagata palaai i le cyber bully online –o ia lea o loo galue e avea ma uo mai se atunuu mamao –ma ua ia te ia le taliga o la tatou tamaitiiti. E talitonu a tatou fanau o nei tagata ua i le online ona ua latou lagona ua latou malamalama ia i latou e sili atu i o latou lava matua poo e latou te mafuta. 

“Ou te talitonu e faapea-o i tatou i le avea ma matua ma faia’oga-ua tatou le tausisia suiga tau tekonolosi a le atunuu ma ua tuina atu le ala o tatou mafaufauga ia i latou. O le taunuuga e faapea o tamaiti ia e matua faatiga i ai, fiu, ma lagona e le malamalama i taimi uma ona latou faasaga atu lea i pulega ma e ala i le tau’aimisa o i latou lava. E tatau ona faaauau pea le faailoa atu o lo tatou agalelei ma le alofa ia tatou fanau. 

“Ma – Ou te talitonu e tatau ona tatou matua eli i le loloto FAATASI ai ma tatou fanau ma maua le tulaga lelei, talanoaga moni e sailia ai pe AISEA. Ma atonu e ala i talanoaga-o le a mafai ona tatou ‘ausia le ta’ele o ia mataupu o loo pagatia ai a tatou fanau. Matua Pema uo, ua na o se manatu lava lenei e amata ai le talanoaga. Ma ou te fai atu ia tatou fanau laiti…Ou te Faalogo ia te Outou. Aisea tou te le aumaia ai le lototele i le laulau ma tatou talanoa i ai.” 

By Mata'afa Keni Lesa 13 May 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>