Savali ina ia laveaina ai ola

By Faaliliu e Seagaitumua Tupuola 30 June 2016, 12:00AM

I le 2014, o fuainumera na lomia faasalalau e le Inter Press Service News Agency fai ma-i totonu o Samoa o le fua faatatau mo le pule i le ola na ‘ausia le 30 pasene  o le 100,000 o tagata, faatasi ai ma se itu e le’i faamalamalamaina-ae peitai-sa sili ona maualuga lea fua faatatau i tupulaga talavou o le atunuu. 

A faatusatusa i le fua faatatau o le pule i le ola o loo maua i totonu o le Iunaite Setete o Amerika-lea e tusa ma le pe tusa o le 12 tagata i le 100,000 e tasi. The Ua i le Iunaite Setete o Amerika se faitau aofai o tagata i le taimi nei e tusa lea ma le 323 miliona tagata, ae o Samoa e na o le 198,000 tagata o loo nonofo ai. Ona o ia fuainumera uiga ese, o le mataupu tau le pule i le ola i totonu o Samoa, aemaise ai lava i tupulaga talavou e le mafai ona fulitua i ai. O le pogai lea, ina ua mavae se malologa mo le tolu vaiaso talu ai, na tatala aloa’ia ai e le Faataua le Ola le Savali mo le Ola e saili ai ni tupe 2016, ananafi.

“Mo le tolu tausaga talu ai, sa le mafai e le Faataua Le Ola ona faatino lenei sailiga-tupe faale-tausaga mo ni mafuaga se tele,” o le faaaliga lea a le Taitaifono o Hans Joachim Keil.Sa saunoa o ia i le Hotel Millenia ananafi lea na faatino ai le sauniga o le tatalaina. Ae talu ai ona o le faateleina pea o le numera o pule i le ola i totonu o Samoa i le tele o tausaga, ma ona o le avea ma itulagi aupio i maualuga o le Pasefika i Saute, o lea o le toe faatino ai e le Faataua Le Ola lana sauniga faapitoa i lenei tausaga i le aso 9 o Iulai. 

O le auaunga a le faalapotopotoga o le a ofo atu ai i “tagata ta’itoatasi ua pagatia lea o loo sailia se fesoasoani ma se tau’au e faalagolago i ai, se laina o le ola” i le faataamilosaga atoa o le uati. 

O lea sauniga faale-tausaga ua faaigoaina o le Savali mo le Ola-o loo faamoemoe e siitia ai le iloa e uiga i le tulaga faigata tau le pule i le ola i totonu o Samoa. O lea Savali o le a faatinoina i totonu o Apia, faatasi ai ma lona vaega e amata ma faamuta ai lea ua faataoto i le lumafale o le taulaga i luga o le sami.

E pei o tausaga ua mavae, o tagata iloa o le a auai i lea savaliga o le a aofia ai mo se faata’ita’iga le Ao o le Malo o Samoa, Lana Afioga Mamalu Tui Atua Tupua Tamasese Efi, ma lē na faavaeina le faalapotopotoga, o Misa Telefoni Retzlaff. 

I lenei tausaga, o lea savali o le a ta’ita’ina  e le Ao o le Malo ma le na tapenaina lenei sauniga o Nathan Keil, ae mulimuli atu ai le tele o a’oga eseese o lea vaega-eleele, mo se faata’ita’iga-o le A’oga a le Loto Taumafai mo tamaiti e le atoatoa le malosi. O Alii Ofisa Sili o Pulega o matagaluega uma a le malo, ekalesia ma kolisi o le a matua auai uma e lagolago i matou i lea aso,” o le faaaliga lea a Papalii Caroline Ah Chong, le Faatonu Sili o le Faataua Le Ola.”

Ae peita’i-talosia o le a lagolagoina foi lea savali e ni foa’i se tele ina ia mautinoa ai e faapea o le auaunaga tau le ola a le Faataua Le Ola-o le a mafai pea ona faatino i le lumana’i.O le foa’i aupito i maualugai le tala faasolopito na fai i le 2012 e le Ao o le Malo-lea na ia tuuina mai ai le ‘afa o le $60,000 e lagolago ai le Faalapotopotoga.

O ia foi foa’i o le a aofia ai le toatele o sui auai o tagata faipisinisi, lea na tuuina mai e le tele o pisinisi ma kamupani o i lea nofoaga.I le faagasologa o le tatalaina o le sauniga, sa ta’ua foi e le Faataua Le Ola faafitauli o loo tulai mai pea e mafua mai nusipepa lautele i totonu o le atunuu, ia ua mafua ai le tele o faalavelave matuiā i taimi e le’i mamao atu.

“O le faafitauli tele lea,” o le faaaliga lea a Papalii. “Ua le gata ina malepe ai faaipoipoga, ae ua faaali mai foi e tagata i luga o isi avanoa e pei o le Facebook poo le YouTube, ia ua faailoga tagata ai i isi tagata. O loo matou taumafai e fo’ia lenei faafitauli o le “fia malosi i luga fesootaiga televavave.” Ua i ai a matou polokalame e ‘ausia ai le tele o kolisi ina ia siitia ai le ilooa e uiga i nei faafitauli.”

O le auaunaga tau le laina o le ola a le Faataua Le Ola e mafai ona maua 24/7 i lalo o le 800-5433 ma le Savali mo le Ola ma lana sailiga-tupe o le a faatino i le aso 7 o Iulai i totonu o Apia. 

By Faaliliu e Seagaitumua Tupuola 30 June 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>