Maliega autu mo le Iunivesite

By Deidre Fanene 20 July 2016, 12:00AM

O le Iunivesite Aoao o Samoa ma le Faalapotopotoga  o Su’esu’ega ma le Atiina A’e  (I.R.D) ua uma ona latou sainia se Pepepa Tau le Femalamalamaiga . O lea Pepa o le Femalamalamaiga (M.O.U ) na saini i le  fono  o le PACENET Plus consortium-lea na usuia i le Tanoa Hotel i Nadi i Fiti.

I sana saunoga I le faagasologa o se talanoaga ma nusipepa I le vaiaso talu ai, sa faamalamalama ai e le Vice Chancellor Professor Fui Asofou So’o lea Maliega. 

“O le auga autu o lenei Pepa o le Femalamalamaiga o le tuuina atu lea o se fuafuaga tau le galulue faatasi i le va o le I.R.D. ma le N.U.S.,” o lana faaaliga lea.

 “E tusa ai ma le Feagaiga o le Femalamalamaiga ua sainia e le Iunivesite Aoao o Samoa ma le I.R.D.-o lea ua malilie ai ina ia feutaga’i e uiga i mataupu tau faiga faavae o mea e faatau aafia ai, faafesuia’i faamatalaga e uiga i atiina a’e ma galuega faatino i le taimi nei e faasino i le siosiomaga, auai i le aoaoina o tamaitai a’oga ma le faaliliuina atu o tomai, faafesuia’i o faamatalaga faa-saienesi ma le poto faapitoa, faamaopoopoina o semina ma fono, o tali tuufaatasi i valaau mai le lalolagi atoa mo tauofoga. 

Sa faaauau pea le saunoaa a Polofesa Fui ma fai mai o lea Pepa o le Femalamalamaiga ua tuuina au ai i le N.U.S. ni vaega autu e manaomia tau le mata’ituina o suesuega. O le I.R.D. o se faalapotopotoga tau suesuega lauiloa lea i le lalolagi atoa o loo faia suesuega i totonu o vaega tele o nofoaga e aofia ai le suiga o le Tau, puipuia o le tulaga lelei o le vaomatua, pulea o otaota ma le pulea o le faaleagaina o mea, pulega o alamanuia faale-natura, suesuega lautele i le soifuaga o tagata ma le saga faaleleia o suesuega, o lana faaaliga lea. 

“O loo i ai le tulaga e mafai ai mata’ituina e tusa ai ma le aufaigaluega ma le aoaoina o tamaiti a’oga ma le fesuiaiga o suesuega fai faatasi, faasoaina o alamanuia.” Na ia faaalia foi e faapea o se tasi o taunuuga autu o lea Maliega o le ono mafai lea ona faavaeina se nofoaga e mata’itu ai le Iunivesite Aoao o Samoa.

“O nei nofoaga o suesuega e mafai ai ona mata’ituina le suiga o le tau, le ‘aia o le gataifale faapea foi ma le tuuina atu o se faavae e faasoa atu ai vaifofo tau le amio e aofia ai le Sciences ma Social Scienses e tali atu ai i suiga i totonu o le atunuu ma faaitiitia ai faalavelave  ia o loo feagai ma setete o motu laiti o le Pasefika, faapea foi ma le mata’ituina o le tausia o faiga masani ma le aganuu,” o lana faaaliga lea. O lea Pepa o le Maliega na sainia e Polofesa Fui ma le Faauluuluga o le I.R.D., o Georges de Noni. 

By Deidre Fanene 20 July 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>