Vi’ia le malo i fuafuaga alumamao

By Sarafina Sanerivi 17 January 2017, 12:00AM

O se agaga fa’afetai tele i le  tinā i a Elena Niusila, 30 le matua o le soifua  i le Fofoga o Samoa ona o  taumafaiga a le malo aemaise ai o lo latou ave’esea ai lea o le falepuipui mai Tafa’igata mo Tanumalala.

I lea fa’atalatalanoaga na ia fa’ailoa ai o se itu fa’afetai lea i a te ia ma le aiga ina ua o latou logotala i le fuafuaga lenei a le malo. “Ia e pei ona maitau mai o si o matou aiga, ia e to’atele tamaiti aemaise o fanau teine.

“O a’u e to’atolu fo’i si a’u fanau, ae pei o lea le tulaga na fa’afefefe ai lava nofoaga nei i le taimi muamua ona o le tu lalata i le falepuipui.

“Ia e pei la ona soso’o mai ai ma le tele o pagota na sosola mai tua ma le tele o le mau fa’alavelave na alia’e mai ai ia , i a te’i matou ia i uta nei ia e tau le lelei se moe i le po.

“E o’o lava i le ao , o lo’o malamalama ma feoa’i uma tagata, ia e tau le o lava i fafo ma le fale, ma o se tulaga ua leva ona tatau ona fa’aminoi.

“E leai se tulaga fo’i lea i a te a’u e tusitusilima po o le a se isi tulaga ae o vaega nei e pei e foliga i le va’ava’ai ae tatau lava ona fai i ai se fuafuaga vave aua le saogalemu o si o tatou atunu’u.

Na ia fa’ailoa i le Fofoga o Samoa o nisi o taimi o se tasi lea o vaega e ao lava ona  ave ai le fa’amuamua o le malo o le saogalemu lava lea o tagata lautele.

“Ia e pei o uta ia i si o matou pito o lo’o sologa lelei mea uma.

“E pau lava le fa’afitauli o lo’o fai ma tau alia’e mai ia o le omai o  tagata ma so’ona lafo’ai le tele o le mau lapisi i nisi o fanua e le’o fa’ato’aina.

“Ae o lo’o sologa lelei lava mea uma , o le suavai o lo’o ua amata ona saosaoa le alu o le paipa i le taimi lenei.

“Ia ae o le fa’aaoga lelei lava kalone ma paelo , e fuafua a o’o ina leai se suavai pe fa’afuase’i le pe mai i nisi o taimi ae o lo’o i ai nai vaega nei e fa’aleoleo mo le aiga.

“O lea fo’i ua amata vaitau o timuga ia o lea lava o lo’o i ai le taimi lenei, o le fa’atali lava o kalone pa’u.

“I a te a’u ia o le galulue fa’atasi lava ma ia tatou oloolo pito va’a.

“O lea le ki e manuia ai taumafaiga uma.

By Sarafina Sanerivi 17 January 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>