E ave la’u fa’amuamua i le tausiga o lo’u aiga - Segia Tuiala Mealofa

By Vatapuia Maiava 07 September 2016, 12:00AM

O le finagalo fa’aalia lea o le tinā  i a Segia Tuiala Mealofa i le fa’atalatlanoaga ma le Fofoga o Samoa i le aso ananafi e ui ina tele faigata  o lo’o feagai pea i aso uma ona o le utiuti o le fa’asoa.

“Ou te iloa o le fa’afaigata o le soifuaga i totonu o si o matou aiga, o le tulaga i le utiuti o le seleni, aua o mea uma e pei ona silafia ai, ia e fua i le tupe e fa’aalu  aua le tausaiga o tamaiti aemaise o le aiga.

“O le taimi lenei ia na o ta’ito’alua lava o lo’o faigaluega ae nonofo matou tinā i aiga.

Na ia ta’ua o lona to’alua o lo’o galue i le ‘au au kamuta ma o se alagatupe lea o lo’o fesoasoani i le tele o mea fai i aso uma.

“A  fa’a-konekarate le faiga o le galuega kamuta o lo’o galue ai lo’u to’alua,  ia e $150 le  tupe e maua i le vaiaso, ae a fa’a-Samoa e na o le tai $50 e aumai.

“Ae moni lava i le $150 lea e maua mai,  ae le taitai ona lava, o le matua’i tele lava o mea fai o le nu’u, o le  Ekalesia…e pei o Bingo, ia ma e le taitai ona fe’au’auta’i le fa’asoa.

“O lo matou aiga e fai lava le ogaumu a le ulugali’i ia, ma o se tulaga fa’afaigofie fo’i lea mo’i matou.

“E le gata i lena, ae o lavalava…o mea tau le Ekalesia, o bingo , fa’ailoga o bingo ma o a’u lava ia  e sili le ave.

“E  pei o le ala lena e moni e ta’i 150 e maua mai ia ae tele mea fai o le nu’u , Ekalesia, bingo i Aso To’onai uma, o fa’ailoga o le Bingo.

Na fa’ailoa e Segia o ia o le fa’amuamua lava e ave i le tausiga o lona aiga ma le fanau.

“O a’u e ave le fa’amuamua i le tausiga o le aiga ma le fanau, ma o le tele o taimi e tatau lava ona fai mea fa’alelotu ma nisi o vaega aua a misi ia e toe fa’aopoopo atu i le isi vaiaso.

“E matamuli fo’i le taimi e lau mai ai mea fai o le lotu e leai se igoa o sau ai.

“O nisi o taimi e fai ai asiasiga a’ai ia a le moaina le vao ua ave i luma o le nu’u, ia e sau le fa’asalaga e 5 aumatua ia pe lima selau pe a le moaina le vao.

“O le isi faigata lena.

By Vatapuia Maiava 07 September 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>