Fa’asinoga Lelei

By Fa’aliliu e Maiava 14 April 2016, 12:00AM

Toe mafaufau tasi lava…O le i si ali’i e nofo i le taulaga, sa aga’i i lana ta’avale, i nu’u i tua, ae leiloa ai. Na tu lana ta’avale ae fesili i se faifa’ato’aga: “Sega, o fea le ‘auala sa’o i le taulaga?”

Tali le faifa’ato’aga: “’Se ‘ou te le-iloa.” Toe fesili le ‘aveta’avale: “A’o fea e alu i ai le ‘auala lea ‘ou te tu ai?” Tali fo’i le faifa’ato’aga: “’Se ‘ou te le-iloa.” Oso loa le ita o le ‘aveta’avale ma fai atu i le faifa’ato’aga:

“E foliga e te matua le-iloa a se mea, a ali’i?” Ae tali le faifa’ato’aga: “E leai, ae malie lau susuga, e le o a’u lea e leiloa!” 

Ua toe manatua ai le tala i le saienitisi ta’uta’ua o Albert Einstein a’o alu i sana malaga i se nofoa-afi. Ina ua fa’asolo mai le ofisa e ao pepa-o-pasese a tagata malaga, a ua fiu Einstein e su’e lana pepa o lona pasese, ina ua fesiligia e le ali’i ao-pepa.

O lona popole tele,na fa’atotope ai le su’ega o ana taga ma lana ‘atopa’u. Ae na fa’atoa iloa e le tama ao-pepa, o le saienitisi ta’uta’ua lea, na vave ai loa ona fa’apea atu: “E le afaina Ainisitani, ‘ou te iloa lelei lau Susuga.”

Ua mavae nai minute, ae va’ai atu le ao-pepa, o la lava e tau sa’ili mai le pepa-o le-pasese a Einstein. Toe atu loa fai iai: “‘Ainisitani, e le afaina, ‘ou te iloa lau Susuga a le ali’i-saienitisi!”  Ae tali Einstein: “Ali’i, lea ‘ou te iloa ‘au!

Ae tatau pea ona su’e la’u  pepa ona ‘ou te le-iloa po’o fea lea ‘ou te alu iai!” 

E le’i mamao tele atu, na lauga ai le ali’i logologoā o Billy Graham i se tasi o sauniga tāua. Na ia ta’u i le fa’apotopotoga, o ia sa fa’atau lona suti fou lava ma le fusi-ua fou mo le sauniga fa’apitoa lea.

Ae talu ai ona o ia ua matua ma ua vaivai fo’i, ua manatu ai, o le a le toe ‘auai i nisi sauniga tetele fa’apea, ina ia ‘aua ai lava ne’i ofuina lona suti fou lea na fa’atau, ae fa’atali se’ia o’o i le taimi e maliu ai ona fa’atoa fa’aaoga lea, e mana’o, ia tanu ai lava i ona la’ei fou ia. 

“Ae ‘ou te le pei o Albert Einstein, e le gata o lea lava ‘ou te iloa lo’u nei tagata, ae o lo’o ‘ou iloa lelei fo’i le mea ‘ou te aga’i i ai.”  Toe mafaufau tasi…                                                                         

By Fa’aliliu e Maiava 14 April 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>