Tagisia e Temukisa sau fesoasoani

By Aruna Lolani 13 May 2017, 12:00AM

Faimai le tele o faaupuga o Samoa e le maua ai se mativa ae e fesili pea le mafaufau i nisi o aiga tu lata i le taulaga e maua ai le mativa i le itu i fale e nonofo ai aise foi?

O se fesili taulai lea mai le tina ia Temukisa Kelekolio, 25-tausaga le matua mai le afioaga o Satapuala

Na molimauina e le Fofoga o Samoa le fale o le tina ia Temukisa le tele o le tulaga faaletonu o lo’o iai nei pe a e o’o iai i totonu, na maua ai e fola le latou fale i palapala

Ao tuanai ai le tetele o timuga i nai aso ua mavae na taumafai lava le tina ia Temukisa e puipui le fale mai le ofi atu ai totonu o se timu  aua ua le toe saogalemu i se nofo

“O le taugata o le tau o le soifuaga e pei o le itu lea ua le gafatia ai se itu tau seleni mo se fale fou mo a’u malo’u aiga ma si a ma fanau

“E fesili lava le mafaufau po o fea a atia’e ai le aiga ma faafefea foi ima foia lea faafitauli

“E tele lava le faaletonu pe a oo ina faaletonu i timuga ma o le mafuaaga tonu lava lea e moomia ai se fale fou

“O le matou fale e lei uma ona faia le fola i le sima aua e le lava se matou seleni e faagaioi a iia tulaga 

“O le matou fale e fola i le palapala ma e fola i pepa tuai faatasi ai ma kapeta e taumafai e kava mai le palapala, ma e le’o se tulaga manaia i se vaai

O le toalua o Temukisa o ia o se faifaiva, e faatau ana i’a ma o le tupe maua o lo’o atia’e ai lava lona la aiga tauatia’e ma lana fanau

“Out e lu’i lava i lo’u toalua e saili seisi ana galuega aua o le olaga e alu agai i luma e le alu i tua ma e tatau ai lava ona moomia se nofoaga leleimo fanau i le lumanai

“O le ala foi lena e galue malosi ai lava lo’u toalua i lana galuega mo le ma aiga aua se faiga lea o se ma fale fou mo le lumanai e ala lea i le faatauina o i’a aua se tupe maua mo le ma aiga

‘Ou te talitonu o lo’o ia fia mana’o e sue sana galuega ae out e le faitio foi aua o ia lava lea o lo’o faamoemoe iai lo matou aiga i le lumanai

“O le galuega lea a matua o le atia’e o ,ea lelei mo aiga ma fanau ma o le ala foi lea o le faatagisia ai o se fesoasoani aua le faaumaina o le fale mo fanau

“O a lava mea o lea maua o lena lava talia lava ma le faafetai

O lo’o fia moomia lava e Temukisa lau fesoasoani vili le numera 7204560 pe a foai sau fesoasoani mo Temukisa ma lona aiga

By Aruna Lolani 13 May 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>