Mu le fale o se Aiga i Tanugamanono

By Pai Mulitalo Ale 20 June 2016, 12:00AM

O se taimi faigata o lo’o feagai ma se tasi o aiga i Tanugamanono, ona ua fa’aleagaina atoa lo latou fale e se afi na mu uma ai a latou mea-fale, i le Aso Faraile talu ai. 

Leai se mea na totoe, vagana le fale-fou e soso’o o lo’o tu pea.  Na o’o atu ai sui o le Samoa Observer mo se fa’amatalaga o le fa’alavelave na tupu, peita’i e le’i mana’o le pule o le fale, o Lole Schuster e fai mai se tala, talu ai, e nofo lana susuga i Amerika Samoa, ae le o iai lona afafine ma lana fanau e nonofo ai i le fale.  

O lo’o fai fa’atauga o lavalava-a’oga o lana fanau aua ua mu uma mea i le afi.

Na fa’ailoa mai i le Samoa Observer e se tasi o le Vaega Tinei Mu e le o fia fa’ailoā lona suafa, e masalosalo na mafua se afi i se fa’aletonu tau-‘eletise. Na ta’ua fo’i, o lo’o fai le galuega o se fale-fou o le aiga lea e latalata lava i le fale-tuai ae sa fa’alogologo le la’au-pese a lona atali’i i tua, i le mea na amata ai le mu.

A’o tapena mea-taumafa a le aiga mo le ‘Au-kamuta i le afiafi lea, ae tete’i ina ua va’aia le fale ua mu. “Leai lava se mea na mafai iai aua o le fale fo’i ua tuai ma e laupapa atoa fo’i,” o le fa’aaliga lea a le ali’i tinei-mu. O lo’o fa’aauau pea la su’esu’egaa le Pulega mo Mu ma ‘Au’aunaga Fa’afuase’i e fa’amautuina ai le mafuaga o lenei fa’alavelave. 

By Pai Mulitalo Ale 20 June 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>