Aua le faitio. Fai se mea aoga mo aiga

By Seia Soloi 11 March 2017, 12:00AM

E mau eseese lava le toatele o tagata e uiga i le tau o le soifuaga, ma e eseese lava auala e atia’e ai ma foia ai lea faafitauli.

Ae mo e tina ia Epi Enele, 58-tausaga le matua mai le afioaga o Faleula, o lana lea masani lava lea i aso uma, o le faatau lea o ana fua o fa’aeleeleaga pei o fa’I, talo, sasalapa, vi ma isi aua le tausiga o ia malona aiga.

“E na’o le toalua lo ma aiga, o a’u ma lo’u tuagane e avetaxi la ae o a’u o le faatauina o a’u meamata’ o lana tala lea I le Fofoga o Samoa.

O lo’o i atunuu e mamao uma le toatele o le aiga o Epi, ae na’o laua lava ma lona tuagne lo laua fale.

“E fai mai isi e faamata e faigofie, ae eleai aua o le olaga e le faigofie, o le tausiga o aiga aemaise le mau mea fai.

“O le tupe foi e maua mai ii e faia uma aimea o lo’o moomia mo le maua fale ma totogi ai pili o le vai ma le moli.

Na ia taua, o le la aiga e le faamoemoe tele i le seleni sei vagana ua moomia mo ni faalavelave taua aua o lo’o maua meaai i laufanua.

“Maua meaai mai le faatoaga o fualaau aina, ma e maloloina.

O lona talitonuga, ua tele tagata ua faitio e uiga i le tau o le soifuaga, ae mo ia lava ia, e ala ona taugata ma faigata ona o le tagata lava ia.

“Ua le o tatou tagata e galulue, ae ua faamoemoe i seleni mai I aiga i fafo ma ola faalagolago, faaaoga lenei taimi e galue ai I le faatoaga, e lelei na e le alu ai se tupe, e maua fua.

O le faamuamua a le tina, ina ia maua le meaai mo aso uma, aua e faigofie lava lo la aiga.

“O mea a ua maua o lena lava, talia ma le faafetai.

By Seia Soloi 11 March 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>