TA’UTINOGA A SAGATO AOKUSITINO-OLA FAATA’ITA’I IA Keriso

By Fuimaono Na’oia Faasavalu Touli F. Tupua 30 May 2016, 12:00AM

Ua taunuu Monnica i Milan-talu ai lona usita’i ia Sagato Ameperosa-ma lona taua mo ia-atoa ai ma amio a Sagato Ameperosa; le faifai malie ona lafoa’i e Sagato Aokusitino ona sese; ma ua na maua -ua na tuua’ia fai mai -e sese le Ekalesia Katoliko;

ua faananau nei na te fia mautinoa, ae peita’- ua maua e ia faamatalaga e ese ai -e uiga i le natura masani o le Atua; faatasi ai ma le le tumau o ona tu’inanau faale-lalolagi-ua avea ai ma ana paaga- le ta’ita’iga a le Atua-i lana uo o Alypius;

sa talanoa Aokusitino ia te ia lava faatasi ai ma ana uo- e uiga i faiga talafeagai mo latou olaga-o ana agasala mata’utia ma le tofotofoina o le faamasinoga. “Le Alii e o lo’u faamoemoe mai lo’u olaga talavou-aisea ua e tuua ai a’u-ae o fea ua e afio i ai?

E te le’i faia ‘ea a’u, ma e aveeseina a’u mai manu o le vaomatua, ma manu felelei o le vanimonimo? E te le’i faia ‘ea a’u ina ia sili ona ‘ou poto, ae o lenei ua ‘ou savali i le pogisa o le ala mase’ese’e ma le faigata?

O lea ua sau lo’u tina ia te a’u ua tumu i le alofa-ma mulimuli ia te a’u i le sami ma le laueleele-i totonu o mea faigata uma- ona o le talitonu ia te Oe! Poo a faigata o le vasa-ae sa na faamafanafana i le ‘auva’a ona o lo latou matata’u i le sami loloto-ae o lau ta’ita’iga- na faasaoina ai i latou.

Na ia maua a’u i totonu o se tulaga faigata-ona ua ‘ou pagatia i le sailiga o le mea moni. Ae ina ua ‘ou maua o ia-sa le toe avea a’u ma Manikea-e ui lava ina e le o a’u o se tagata kerisiano Katoliko.

“Fetalai maia i le tama a le fafine ua leai sana tane, Alii talavou e-‘ou te fai atu ia te oe-ina e tula’i ia-ona mafai lea ona e ola, ma amata ona e tautala-ma e tatau ona e tuuina atu o ia i lona tina. Na matua gatete lona loto i le fiafia e matua tele-ina ua na faalogoina e faapea -o lona moomooga i le Ali i aso uma-ua matua tino mai sona vaega tele.

E matua talitonu o ia ia Keriso-ma a’o le’i malaga ese mai lona olaga masani-na ia vaaia ua avea a’u ma tagata talitonu o le Ekalesia Katoliko!

By Fuimaono Na’oia Faasavalu Touli F. Tupua 30 May 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>