Manatu O Le Fa’atonu - Malo lava Fiti

Semanu e faato’ilaloina e se motu le konetineta atoa ananafi i le su’ega o le fusi o Taaloga Ta’ito’afitu  o le Olimepeka i Rio ae o le itu na manino mai sa matua tele le lagolagoina o Fiti-i le tele o tulaga maualuga eseese o lea taaloga.

Ma afai o le leo tetele o tapuaiga ma le maoa’e o sauniga faamanatu i totonu o Apia na soso’o ai ma lea manumalo uiga ese i le taaloga o le pine auro, o se mea lea e faatauaina, o le taimi lenei o le mitamita mo le lakapi a le Pasefika. 

O le matua mitamita lava e aunoa ma se tulaga masalomia- ona ua tatou fiafia uma lava e avea ma tagata Fiti ananafi. O le upu a le atunuu “Ua ta fia Falealili fua”na matua tatagi leo tele  mai i le taimi na faato’ilalo ai e alii a Ben Ryan o latou fili, 43-7, e ala i se faaaliga o tomai ma taleni e na o alii Fiti e mafai ona latou faaalia. 

O se tulaga maoa’e lea o le faapefea ona faapuupuu le faiga e fai ai le taaloga. O se faiga faa-maneta tau le faafiafiaina lea, e tafe sa’oloto, e faatulaga lelei ma mea e sili ona lelei tau le malosi i totonu o le lakapi e tatau ona faatauaina.  O le mea moni, o le manumalo o Fiti ua le gata ina faavaeina ai se tala faasolopito mo latou tagata pe a faapea o le latou pine auro muamua lea o le Olimepeka, i le avea ma tagata o atumotu o le Pasefika, o se manumalo lea mo i tatou uma lava. O se manumalo mo tagata matitiva ma ‘au e le lava tupe i totonu o le lalolagi o le lakapi. O se manumalo lea mo tagata faatauvaa o a latou olega e masani ona fulitua i ai pusi pepeti o le lakapi. 

ADVERTISEMENT

O se taimi uiga ese lava lea. Ua le gata ina faato’ilalo e Fiti se ‘au e tasi, ae na latou soli pala Egelani, Uelese ma Sekotilani i se faiga uiga ese. O se matua sasa lea tau tulaga uma lava o le lakapi. Ao lumanai ai lea tulaga, na latou faato’ilaloina le Olopeleki silisili ese ma isi tagata uma lava sa fai ma faalavelave i lo latou ala. I tulaga masani, o le toatele lava o tagata o i nei atunuu semanu latou te lagolagoina le Olopeleki. Ae i tapenaga mo Rio, semanu o se mea matua valea lava mo se tasi ona tuu atu sana tupe i luga o le Olopeleki i le faafeagai ai ma Fiti. E leai se avanoa e tuuina atu ai e tagata Fiti e tuuina atu ai lea taaloga.

O le itu uiga ese, talu lava ona latou tuua Rio, o le suesuega mulimuli o le pogai o le maliu o le lakapi a Niu Sila ma lo latou lumana’i e manumalo ai i se auro-ua faaalia ai le anoano o faafitauli.  

O le tusitusi-lima i totonu o Niu Sila ua leva ona amata ma e ono mafai ona faauigaina o se suiga lea o le puipuiga mo se tasi o faia’oga tau lakapi e sili ona faaaloalogia i le lalolagi, o Sir Gordon Tietjens.  O le itu e faanoanoa ai, sa tanu i le totogalemu o le ita ma le le fiafia se mea moni faigofie e faapea ua faia’ina Niu Sila i se ‘au lelei. E tupu ma o le soifuaga lena. Faafeagaima lea mea. Ua outou silasila la, ua loa ona faatulaga e Fiti le saoasaoa mo nai tausaga ua mavae-ma ona o faiga faatulaga mo le aoaoina a Ben Ryan, e tatau ona faailoa atu e faapea e leai se isi lava ‘au e ono maua sona avanoa. 

O le mataupu autu lea e tau faailoa atu e faapea ua talafeagai ai le avea o Fiti ma siamupini o le Olimepeka. E tatau ona faapaleina i latou  i luga o le fola aupito i tele i totonu o le lalolagi o taaloga-ia sili atu ona lapo’a i lo le Ipu o le Lakapi a le Lalolagi. 

Ma o le tulaga tonu lava lena e faasino i ai. Mo i tatou i Samoa nei, e le afaina aua o Fiti i nisi taimi o tatou fili i luga o le malae lakapi ma i totonu o le malae tau upufai. O le mea ua latou ‘ausia e tatau ona tuuina atu i ai le tatou lagolago ma o le asŏ-e tatau ona tatou fiafia ma momoli atu le faamalo i lo tatou aiga faa-Pasefika. I le taimi nei la-ana mafai ona faaauau atu se aso malolo o le atunuu i atunuu uma o le Pasefika ina mafai ai ona tatou faaauau pea le faamanatuina o lea tulaga.Ae peitai-o lea tulaga e ono mafai ona avea ma una’iga mo e pulea le tatou lakapi ina ia amata fuafuaga ma fai suiga e tatau ona fai ina ia tatou ausia ai foi tulaga maualuga ua ausia e le lakapi a Fiti. O loo i ai lesona mo tagata uma lava iinei. O loo i ai lesona mai le tulaga le manuia o Niu Sila.  

O loo i ai lesona mai le manumalo o Fiti. O loo i ai foi lesona mai lo tatou lava le mafai ona ausia le Olimepeka. . Ae o le taimi nei e le o le taimi lea e tautala ai e uiga i mea ua le mafai ona ‘ausia.

O se taimi lea e fiafia ai faatasi ma i latou o loo fiafia. O se taimi e tilotilo ai ia Fiti ma ia unaia e a latou mea ua ‘ausia. Ma o le taimi tonu lea e faailoa atu ai e faapea o le Atua-lea ua leva ona viia e le ‘au a Fiti mo se taimi umi e o’o lava i le taimi na latou manumalo ai ananafi-e matua faamaoni i le fesoasoani ia i latou o e na tuuina atu lea galuega fita ma le latou vaega. Malo lava Fiti, vinaka vaka levu! 

ADVERTISEMENT
Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?