A paie i le aso e falolo le lumana’i

By Vatapuia Maiava 22 September 2016, 12:00AM

O Tauapati Suluape o Falelatai e to’alima ona alo ma le tinā o le aiga ma o ia o se faifa’ato’aga.

“E leai se tagata po o se isi e nofonofo  maua ni ana oloa e a la na maua vaega nei e tele e atina’e ai totonu o le aiga ma le polokalamea o le lumanai ma le fanau o lo’o tutupu ane o le alu e galue.” Tauapati i le fa’atalatalanoaga ma le Fofoga o Samoa i le aso ananafi.

“E le’o o se galuega a le malo po o se Ekalesia ae o le tagata lava ia i lona vaivaiga ma le fa’atamala, aua a le gaioi ia o le mea lena e o’o ai.

“Aua e le fa’apea e maua ma se filemu se mea, a le gaioi e falōlō fo’i le fanau ma fa’asolo atu ai lava ina  gaoi.

 “Aua o le vaai alofa lava lena i e fanau,  e le lelei le tagi mai e fia’ai i mea’ai a isi tamaititi.

“O lo’u iloa i ai  e tatau lava ona tutusa mea e maua e le tagata mativa ma le mauaoa pe ā to’a’a’ga e galulue.

 “O le autu o lo’u iloa, ia titilo tamaititi i la’u galuega o lo’o fai ma fa’ata’ita’i mai i ai, aua a ta’oto’oto ita le tamā e fa’ataita’i ai fo’i  le atali’i ma le afafine.

 “Ae a gaioi ita nei e gaioi fo’i tamaiti. 

“E tusa fa’atoa amata na ou sau i le amataga o le tausaga lenei e moni lava ae tausavali mai lava i tai.

 “O le agaga lava na tepa i ai , ia tu le fale i lefanua lenei o lo’o fai ai le fa’ato’aga, masalo and le tu i’inei le fale, e le o’o le fa’ato’aga i se tulaga fa’apea.

 “E pei e manaia lava le oso mai loa i fafo ma le ta’inamu savali mai loa le fa’ato’aga aua a tausavali mai i tai ia e o’o mai nei ua alu atu ai le isi malosi.

 “Ia o a’u ou te le misi ma le maketi i vaiaso uma, ia o le mea lea sa talo uma lava lea ua fa’asolo atu ai uma le tiapula.

 “A ou fua i ai i le tupe maua i le vaiaso i la’u meamata e ave e fa’atau ia e $1000, a tele lava taga e lima pe ono i le vaiaso.

“O le naunauta’iga lava mo le fanau ina ia aua ne’i ola  falōlō ma ia maua se olaga filemu, aua e tau tagi fua i mea fa’atau ae o lea e i le lauele’ele tupe.

 “E ala ona taugata o le le o e galulue, e leai se mea e maua ma se filemu , ia o le la fo’i ua tōtō fuala’au aina, kapisi, kumama isaraeleu ma polo feū.

 ‘Fai mai le upu o le la’u lava o so’o se mea i lalo e fa’atupu e le Atua mea uma… a paie i le asō e falōlō le lumana’i.

O Tauapati ua 42 le matua o lona soifua.

By Vatapuia Maiava 22 September 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>