Fuafuaga o le Tausisia o Tupe Maua ua fuafua mo se faiga amiotonu tau lafoga

02 September 2016, 12:00AM

O le asŏ i le itula e 10 i le taeao- na tatala aloa’ia e le Matagaluega o Tupe Maua lana Fuafuaga o le Faaleleia o le Tausisia 2016-2018 

O le Ofisa Sili o Pulega o le Matagaluega o Tupe Maua-o Avalisa Viali-Fautua'alii-o le a tuuina atu ai lana saunoaga autu i malo faaaloalogia-ia e aofia ai sui mai le Faalapotopotoga o Tausi Tusi a Samoa, Matagaluega o Fefaatauaiga, Sui Sooupu o le Tiute, matagaluega o le Malo ma le ‘aufaipisinisi.  O le Compliance Plan 2016-2018 ua faataoto ai faafitauli tau fuafuaga tetele-ia o le a tuuina atu i ai e le Matagaluega o Lafoga lana silasila faamuamua i le isi lua tausaga. 

E aofia ai le pulea o faalavelave i le salafa atoa o le Matagaluega ma o loo faavae i luga o le 2012-14 Compliance Improvement plan-lea na ati a’e e fo’ia ai faalavelave i totonu o Tupe Maua. . 

O le CIP fou 2016-18 na ati a’e e le Vaega o le Pulega Sinia (SMT) a le Matagaluega mo Tupe Maua i taimi faai’u o le 2015 faatasi ai ma le fesoasoani a se tagata su’esu’e mai le Pacific Financial Technical Assistance Centre ('PFTAC'). O lenei fuafuaga na talia ma faamaonia e le SMT ia Novema 2015.  O le tatalaina faalaua’itele o nei fuafuaga ia siitia ai le iloa e tagata lautele o fuafuaga o loo faaaoga e le Matagaluea e faaleleia ai le tausisia i le salafa o Tiute ma Tupe Maua. E le o se pepa faalilolilo lenei.  

.Afai e iloa e paaga a le Matagaluega ia fuafuaga ma mafuaga ua fai ai ia fuafuaga ma mafuaga ua faataoto ai ia fuafuaga, ona latou malamalama lea ma faatino le latou matafaioi e ala i le fai o me mea sa’o. O le CIP 2016-18 ua aumai faatasi ai se fuafuaga ma ni faamatalaga o faafitauli e sili ona taua tau le tausisia ua vaaia i totonu o tiute ma faiga tau lafoga-ia ua faamoemoe e tali atu ai poo e togafiti ai ia faafitauli.

O loo i ai foi se fe’au e matua lautele o loo si’omia ai le tausisia-o faasino lea i le una’ia o tagata totogi lafoga e totogi o latou sea talafeagai ma ofo atu mo le fausia o le malo. O le Compliance Improvement Plan a le Matagaluega 2016-2018 o se fuafua lea ua miti’ia ai le tele o le malosi, malamalama lelei ma le noatia ai. 

E tele le galuega na tuuina atu i le faatulagaina o le faavae o lafoga, sailia o faamatalaga ma faiga e fuafua ai ia ua iloa ai faafitauli autu. O le faiga tau lafoga e tatau ona vaaia e amiotonu-ma e le mfai ona amiotonu pe afai o i latou o loo ‘alofia le totogiina o a latou lafoga o loo sao ai-o le pogai lena o le vave ona avea o le fuafuaina o faalavelave ma faamuamua tele a le pulega tau lafoga. O lenei Fuafuaga o loo atagia ai le vaaiga faamuamua faifai pea a le Matagaluega o Lafoga-e faasino i le faaauau pea o le faaleleia e faalelei atili ai gaoioiga ma ‘ausia tulaga maualuga o le faatinoina.

O lenei Fuafuaga ua aiai ai se faiga paleni lelei-ma siitia ai le tausisisia lea ua avea ma faamuamua tele-lea e manaomia ona faaauau pea lona faaleleia. E mafai ona ‘ausia lenei tulaga e polokalame ia ua matua faamamafa ai le manaoga ina ia tausisia ma taunuuga o le le tausisia. O lea tulaga e faasino i le tuuina atu i paaga faamatalaga, aoaoina, ma le fai ia faigofie mo i latou ae sili foi ona taua le tuuina atu ia i latou o se fuafuaga lelei faale-tulafono. 

O le tulaga faamanuiaina o le fuafuaga e le faalagolago tasi i le Matagaluega na o ia, ae matua faalagolago malosi i luga o tagata totogi lafoga ina ia fai le mea sa’o ma totogi a latou lafoga i le taimi tonu ma ia totogi foi le aofaiga sa’o. Ua faaalia e le Matagaluega le matafaioi taua a tausitusi ma sui sooupu tau lafoga e avea ma se faalauteleina o auaunaga-e fautuaina ai paaga i o latou tiute fai i lalo o tulafono tau lafoga.

O sui sooupu tau Lafoga ma nofoaga mo uta oloa e faapea foi ona taua e tusa ai ma latou matafaioi ina ia mautinoa e faapea o le faafaigofieina o fefaatauaiga o loo faaauau pea ona faaleleia ma ia le avea ma faalavelave i pisinisi ma ia faapea foi ona mautinoa e faapea o le tuaoi o Samoa o loo malu puipuia mai oloa leaga ma le le talafeagai ma tagata malaga e le mana’omia. 

O le ‘ausia o taunuuga ua faata’oto i totonu o le Fuafuaga o le a faaleleia ai le tausisia ma mulimuli ane ona faaleleia ai le aoina o tupe maua ma se tuaoi saogalemu mo Samoa. 

02 September 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>