Fa’afetai Leoleo o le filemu ma le to’amalie o Faiga Palota

11 March 2016, 12:00AM

Ripotia e PaiMulitalo Ale 

Fa’aliliu e Maiava

 

A’o fa’agasolo pea le faitauga-aloa’ia o palota i Mulinu’u, a ua fa’ailoa mai e le Matagaluega o Leoleo, o se Faiga Palota filemu tele ma sologa manuia, sa iai le fa’amoemoe o le atunu’u i le Aso Faraile talu ai. 

Na fa’afetaia e le So’o’Upu a le Matagaluega, Su’a Muliaga Tiumalu, le mamalu o le atunu’u ona o le galulue fa’atasi ma lo latou sao mo le lagolagoina o faiga-palota tele. 

“O se Faiga Palota e matua filemu lava,” o lana saunoaga lea. 

 “Na matua fa’afiafiaina lava lenei Ofisa ona o le tulaga sa iai le gasolo o faiga-palota ma e momoli ai lava le fa’afetai i tagata uma o Samoa mo lo latou sao taua.” 

Na ta’ua fo’i, sa iai lava nai fa’afitauli laiti – e aofia ai fa’alavelave tau-ta’avale – a’o le aotelega lava, e matua filemu lava le fa’ai’uga o lea vaiaso. Atonu o le fa’asaina o le ‘ava-malosi i le aso o faiga-palota le mafuaga o le fifilemu ma to’amalie ai le to’atele.

E silia i le 400 ali’i ma tama’ita’i leoleo sa tufatufa atu i fale-palota e 350 i le atunu’u aoao, i le aso ma le taimi lenei, i le vaiaso ua mavae.

Na amata malaga-‘ese atu leoleo i afio’aga ma alalafaga o le atunu’u i le Aso Tofi ae fa’atoa mae’a o latou tiute i le Aso To’ona’i.

O le taimi nei, o lo’o iai tiute pea nisi leoleo i le Ofisa mo Faiga Palota i Mulinu’u, e va’ava’ai le faitauga aloa’ia o Palota-fa’apitoa. 

Na momoli fo’i le fa’afetai a Leoleo i pulega a ali’i ma faipule o afio’aga ma alalafaga uma ona o lo latou sao mo le fa’amoemoe o le atunu’u. 

“Seanoa la tou lagolago, e le taunu’u le fa’amoemoe o Samoa i le filemu ma le manuia sa va’aia. E momoli atu ai le fa’afetai tele a le Minisita, le Komesina o Leoleo ma lenei matagaluega. Ia fa’amanuia Le Atua ia Samoa uma!”

11 March 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>