Ua le maua le Tama’ita’i o loo tuua’ia i feusuaiga

By Lanuola Tusani Tupufia 10 August 2016, 12:00AM

O se tama’itai lea o loo lotolotoi i se tuuaiga tau feusuaiga e faasaga i le Failautusi Aoao muamua  o le Ekalesia Faapotopotoga Kerisiano i Samoa, o Rev. Dr. Afereti Uili- ua sola. 

O le amataga o le tausaga nei na faaulu ai se tagi o le tau faaleaga e Rev. Uili i totonu o le Faamasinoga Sili-ina ua mavae se tusitusiga i totonu o se nusipepa a le atunuu e uiga i ni moliaga tau feusuaiga na aafia ai o ia.

O lea mataupu sa tuuina atu mo se feutanaiga ma sa faamanuiaina. O le Loia a Rev. Uili, o Semi Leunga Wai-na ia talosagaina ananafi le Faamasinoga ina ia famauina “le maliega na maua i le talanoaga” e avea ma faaiuga a le Faamsinoga.  

Ae ui o lea, sa faamanino lelei e le Faamasino Sili, le Afioga a Patu Tiava’asu’e Falefatu Sapolu e faapea e le mafai ona ia faia se faaiuga e ala i se maliega ae o lea e toesea le tamaitai na aafia ai. O le Loia a lea tamaitai o Alalatoa Rosella Papalii-na ia faailoa atu i le Faamasinoga Sili anana e faapea ua fai ma mea faigata ia te ia le sailia o lana paaga.   

 “O le itu e faanoanoa ai ua le faamanuiaina ana taumafaiga e saili lana paaga lea e foliga mai ua sola ese,” o le faaaliga lea a Alalatoa.

 “E anoano ni tusi na ‘ou auina atu ia te ia ina ia faafesoota’i mai matou ma ia faafesoota’i mai foi tagata…..ae le sau lava.” Ona o le le fiafia i lenei tulaga-o lea na faamanatu atu ai e Mr. Leung Wai i le Faamasinoga e faapea o ananafi le aso mulimuli na tolopo ai le mataupu ae le o aliali mai lava le itu tete’e.

“O le aso 10 o Iuni na fai ai se faa-talanoaga ma o loo matou taumafai e tuu faatasi e avea ma faaiuga faatasi ai ma le Faamasinoga mamalu,” o le faaaliga lea a Mr. Leung Wai. 

Sa matou tuuina atu taualumaga i le loia (mo le itu tete’e) ma sa valaau i le aso 5 o Iulai. O le faafitauli o la’u paaga o loo aafia i lenei mataupu-o le faaiuga a lenei Faamasinoga o le a maua ai se tonu e uiga i lona tulaga i totonu o le ekalesia.

Ae peitai-o le faaiuga a le Faamasino Sili o Patu e faapea e le mafai e le Faamasinoga ona tuuina atu se faaiuga i lona maliega e aunoa ma le fai mai o le itu tete’e ua malie i ai. Sa finau mai Mr. Leuna Wai e faapea ua tele taimi ua faamaumau e lea tamaitai ma ua le faamanuiaina foi o ia e tusa ai ma lana tautua ia te ia.

Na ia ta’u atu i le Faamasinoga e faapea  o le matafaioi a le loia mo le itu tete’e ona faailoa atu i lana paaga taualumaga a le Famasinoga. Ona o le alofa ia Mr. Leung Wai, o lea na fai mai ai Alalatoa-ua malamalama i mea o loo faatiga ia te ia ae faigata mo ia ona o le le manuia o ana sailiga mo lea tamaitai.

“Sa matou auina atu se tasi i lona fale i Afega ae le o i ai o ia.”Fai mai le Faamasino Sili o le itu e faanoanoa ai ona o le tele o faafitauli a le itu talosaga e ala i le auauna atui le itu tete’e. “O le tiute o le itu tagi le faatino o le auaunaga i le itu tete’e,” o lana faaaliga lea. “O le Loia Faufautua ua na o se sui sooupu ae le o ia o le itu tete’e.

O le itu tete’e o le autu lea ma afai e le malie i ai le itu tete’e poo le faataga o se auaunaga ina ia aoga i le faufautu ua na o ia lea o sui sooupu –o lona uiga-e leai se pule a le sui sooupu na te talia ai se auaunaga e uiga i le paaga lea ua avea ma autu.”

Na ia poloa’ina se toe tolopoina i le aso 22 o Aokuso mo Alalatoa na te faaulu ai le toe faaui i tua i le avea ma loia faufautua ma mo le “faamalosia o le itu tagi ina ia faatino le galuega i le itu tete’e.” Ina ua fesiligia i fafo ane o le Fale Faamasinoga e uiga i le maliega o le talanoaga, sa teena e Mr. Leung Wai le faaalia o lona manatu.

Fai mai a ia o le maliega e le faalaua’iteleina. 

Na fesiligia foi o ia e uiga i le faamasinoga o le tau faaleaga ma ona auiliiliga. 

O lana tali-fai mai a ia o i latou o tagata e galulue mo le Atua ma latou te le sailia ni tupe vagana ai le faamamaina o le suafa o lana paaga. I le faagasologa o le Fono Tele a le Ekalesia Faapotopotoga Kerisiano i Samoa ia Me o le tausaganei, na faoa ai le tofi poo le tulaga o le Failautusi Aoao muamua i totonu o le pulega o le ekalesia-talu ai tuuaiga tau feusuaiga.

O le faaiuga na fai e le Komiti a le ‘Au –Toeaina a’o lumana’i ai le amataga o taualumaga a le faamasinoga.

By Lanuola Tusani Tupufia 10 August 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>