Ia manuia lo’u olaga – Iese

By Ilia L. Likou 04 July 2017, 12:00AM

O le maua ai o le fa’atalatalanoaga o le Fofoga o Samoa ma Iese Faleafa o Tulaele o se fiafiaga tele lea mo ia e fa’asoa mai ai lona manaoga i le lumana’i.

“O le taimi lenei o lo’o o’u mana’o lava e avea a’u ma seila, ia o lo’o ua tatou iloa uma lava le uiga o le upu seila, ona o lo’u iloa i ai e tele lava se tupe e mafai ona maua mai ai.O Iese o lo’o aoga o ia i le Kolisi o Faleata.

“Ia e leai lava se isi mea o fa’amoemoe ai le taimi lenei, o le taumafai lava ina ia fai lelei meaaoga, ia ma usita’i le faiaoga.

 “O le itu sili lava o le usita’i e pei ona ou fa’ailoa atu muamua.

O le itu pito sili mo Iese, o le usita’i lava i matua e amata ai le tele o mea lelei i le olaga o le tagata.

 “E tusa lava po o le a lou poto i le aoga,ae a aunoa oe ma le usita’i i matua, e matua’i ma’imau lava le taimi.

Na ia fa’ailoa o se tasi o ona tausoga o lo’o faigaluega va’a i le taimi lenei  na avea ma mafua’aga na mana’o ai lava e avea ma seila.

 “O se itu lelei tele lea mo a’u lava aua o lo’u ia iloa i ai, a leai se  tulaga fo’i lea i a oe e mafai ona tu’uina atu ai lou mafaufau i le lumana’i ia ausia,ia e masalo lava e faia fua.

 “O la’u ia lea mana’o i le olaga o lo’o ua i ai nei, e le mafai ona fa’atinoina lea tulaga pe a le iloa le taua o le ola e a’oao’oina lelei i totonu o aiga.

 “Na fa’ailoa e Iese, o se itu e ao lava ona silafia i le taimi lenei e pei ona fa’ailoa atu, o le taumafai lava i so’o se tulaga aua le lelei alu i luma o le olaga ia ma taumafai e fai se mea lelei mo matua aemaise lava i aiga.

“O se itu lelei tele lea i lo’u iloa i ai, ia ae le fa’apea e nofonofo a o’o i le seila, e ao lava ona to’aga i le aoga, ia ma faia fe’au a aiga i aso ta’itasi ma usita’i i matua.

By Ilia L. Likou 04 July 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>