Te’ena e Patū faitioga

By Ilia L Likou 17 January 2018, 12:00AM

Na saunoa tu’usa’o le afioga i a Patū Ativalu e fa’apea ‘ o le mea lava ua tasi ai Tofaeono ma Patu’ o lea lava fo’i le afioaga atoa.

O lana tali mai lea  ina ua fesiligia e le Samoa Observer sona finagalo e fa’atatau  i faitioga e fa’apea ‘ua fai tasi e Tofaeono ma Patū’ le tonu mo se faifeau a le afio’aga.

O se tasi o le afioaga e le’o manao e fa’ailoa lona suafa na ia fa’ailoa le agaga fa’anoanoa ona o le pule pule tu tū ai lea e Tofaeono ma Patū Ativalu le tofiaina o so latou faifeau’

Na ia fa’ailoa e fa’apea ‘ sa tatau lava ona lafo le filifiliga o sa matou faifeau fou i le aulotu aua e pei o tu nei ma aga e fa’atino ai vaega nei i totonu o ekalesia e pei ona sa sau a’i’

‘E le faia e se tagata se to’atasi se fa’aiuga mo se faifeau, o tagata lotu ma e ua fa’aekalesiaina e tatau ona fa’atinoina’

“Ae ta’ua e pei na o le tu ane lava o Tofaeono le Aso Sa fai ma ua maua le faifeau ae le’i talanoaina e le ekalesia pe manana’o ai pe leai foi.

“Ia fai mai na mae’a loa ona ta’u mai le faifeau sau loa ma le mau saoga a matafale, ae o lo’o gugulu le to’atele o tagata e fa’atatau i le fa’aiuga ua fai mai ai Tofaeono ma Patu.

Sa ia fa’ailoa fo’i o se fa’aiuga ‘pule pule tut u ma le le tonu’ e sa’o o le afio’aga.

I le saunoaga a Patū Ativalu ina ua fesiligia e le Samoa Observer, na ia te’ena ai le ‘pule pule tu tu’ e la’ua ma Tofaeono o le fa’aiuga mo so latou faifeau fou.

“Na tu’u le avanoa i  le aulotu ae le’i i ai se tasi na tula’i ma te’ena lea tulaga, ma e mo le silfia,  o vaega nei na sau ai tua’a ua mavae.

“O lea le mea ua tasi ai Tofaeono ma Patu o lena lava mo Vaiala’

O le afioaga o Vaiala e tasi lava le ekalesia, o le E.F.K.S.

O le Susuga ia Lotu Uele ua malolo ritaea mai le galuega i totonu o le afio’aga mai le 22 tausaga talu ai ma o lo’o ua maua ripoti o lona alo na i’u mai Malua i le tausaga ua mavae o le a fa’aauauina le auaunaga fa’afaifeau i totonu o le afio’aga.

By Ilia L Likou 17 January 2018, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>