Taugata le soifuaga

By Ulimasao Fata 26 October 2017, 12:00AM

O le talitonuga o Tusiga Faiesea o Si’usega o nei aso ua le toe faigofie nei aso pe a fua atu i totogi o lo’o maua nei.

Na maua le avanoa o le Fofoga o Samoa ma Nu’u o lo’o fa’apea ona aga atu i nisi o galuega o le taeao aua lava le tausiga o aiga.

“O le itu mautinoa lava, o le mafua’aga lava o nei mea uma o lo’o tatou feoa’i ia o le tausiga lava o nai aiga aua ua le toe faigofie nei aso.”

 “Ia e tele lava  nisi o galuega o lo’o fa’apea ona fesoasoani ai i nai aiga, ma o se itu i lo’u ia iloa i ai o le va’ai itu e mafai ona fesoasoani a i i aiga.”

“I a te a’u ia e pei o le galuega o le itu e pito sili ona matua’i mana’omia i le taimi lenei aua lava aiga, e moni lava i fa’ato’aga ae a tutupu mai fa’alavelave e pei o le tupe lava e  tau’apa’apa i ai.”

“E pei o le taugata lava o le soifuaga o se itu lea ua o tatou iloa nei, ma ua tatau ai lava ona fa’atino o so’o se gaioiga o lo’o tatou taumafai ai nei.”

“O le uiga o la’u tala, o a lava fa’afitauli o lo’o ua i ai nei, ia o le taumafai lava i se faiga ina ia tete’e atu ai aua le faigofie nei aso.”

“O le itu mautinoa o le a le tulaga e o’o i ai, ia o le a taumafai ai lava aua le aga’i atu ai le lumana’i.”

“E moni lava ua alu i lalo totogi ma o i luga tau o oloa aemaise lava o auaunaga ta’itasi o lo’o ua tatou i ai nei.”

“Ae ao lava ai a te’i tatou ona taumafai pea ina ia fa’atinoina o so’o se fesoasoani aua le aga’i atu ai le lumana’i ona ua leaga nei aso.

“Ua fiu lava fo’i e taunapa atu i le tele o le mau mea  o lo’o ua i ai nei, e pei o nisi nei o avega ua tatou aveina i le taimi lenei, ia ae o le ola fuafua lelei lava.

By Ulimasao Fata 26 October 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>