E fa’aeaina oe e le poto

By Ilia L Likou 01 October 2017, 12:00AM

Na maua le fa'atalatalanoaga a le Fofoga o Samoa ma se tasi o alo mai Lotoso'a Saleimoa e suafa ia Tino Loge. 

O lona manatu fa'aalia o le taua lea o le i'u lelei o aoaoga.

E 18 le matua o lona soifua ma o loo aoga nei o ia i le Kolisi a Uelesi i Faleula.

"E to'alua le matou fanauga ae o a’u e matua," o lana tala mai lea. 

“I lo’u iloa i ai, o so’o se lava e matua i le fanauga e ao lava ona fai ma fa’ata’ita’iga lelei mo le to’atele o nisi o nai o’u tei o lo’o tutupu a’e. Na ia fa’ailoa o le manaoga i a te ia i le taimi lenei o le manuia lea o ana a’oa’oga i le lumana’i e fesoasoani tele ai  lona aiga ma lona tau atina’eina."

"O a'u ia ou te manao e manuia la'u aoga aua ou te le fia ola faalolo i le lumana'i."

"O lea ua tatou vaai ai i le leaga o le olaga pea e le toaga i le aoga, ia e ono i’u atu lava i se isi tulaga e le tatau ona o’o i ai."

“E pei o lou lea iloa i ai le taimi lenei. O lona manatu a le alu i le aoga e tele lava se ‘a’afiaga e o’o i ai le lumana’i."

"E tele le aoga o le a'oga aua e mafai ona suia ai lou olaga i le lumana'i."

"E mo'i a e i ai taimi e lagona ai le fia fa'avaivai ae ou te taumafai pea aua ou te talitonu o le auala lea mo se lumana'i lelei."

“Ia ma ono maua atu ai se i si tulaga e mafai ai ona o’o ai atunu’u mamao, pe a lelei lava lena o le aoga a i tatou o le fanau o lo’o ua i ai le taimi lenei."

“O le mea lava lea ou te taumafai ai lava le taimi lenei."

"E tele a le tele o tala i le sueina o ni metotia aua se lelei o le au tupulaga ae o lea e iai le aoga."

"Ia faataua le olaga aoga ma ia faamalosia foi aua e faigata i nai matua le tau sueina o se seleni aua le totogiina o pili."

By Ilia L Likou 01 October 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>