Ia fa’atonu fanau

Ia a’oa’o lelei fanau ia tusa ma ala o le Atua.

O lea le finagalo o le tinā i a Lise Fa’atalatala i le Fofoga o Samoa i le aso ananafi.

“O le naunautaiga o matua i le taimi nei ina ia maua ni galuega lelei ma le mautu mo le lumanai manuia o aiga aemaise ai le tausiga o fanau ma lo latou lumanai.

“Ae le mafai ona tupu lea tulaga pe afai e tu’usaunoa e matua fanau. 

Na ia fa’ailoa o le tele o nisi o matua ua le tutusa le faasoa ua lima vaivai ma ua tele mea fai fai o le tausiga o fanau.

“Ia e leai lava se isi mea e sili ona taua nai lo le galueaina o vaega tatou te iloa e lelei mo le a’oa’oina lelei o fanau.

O lana lea faamuamua ina ia maua e lana fanau se lumanai manuia ae aua le ola falolo.

“O lenei olaga a le galue le matua ia mo lana fanau e le maua se mea lelei aua a lelei ona tausia ma faa-failele le ola tuputupua’e o le fanau e le maua se mea lelei” o lana tala mai lea i le Fofoga o Samoa

“Ua tele le suiga ua iai nei ua fai lava sina faigata o le olaga ma a le galue le matua ia mo lana fanau e le maua se iuga lelei mo fanau

“O le taugata o le soifuaga ua avea ma avega mamafa i nisi o aiga” o lana tala mai lea

“E tatau lava i matua ina ia aua le nofoa’i, ia taumafai e fa’atonu lelei fanau, ae le ‘o le fa’asa o fanau mai isi mea ae lae va’ai atu fanau lae ese fo’i le mea o lo’o fa’asaga ai.

“O le fanau o le tofi mai le ali’i, o I tatou lava le ki ma le tatala o mea uma, o I tatou foi e ao ona tatou fa’apelepele ma fa’a’aooga le fanau. 

“A’oa’i le fanau e tusa ma ona ala a matua e le toe te’a ese ai lava., o vaega nei e le tau fa’ailoaina ae ao lava ona tatou fa’ata’ita’i ai pea i aso uma ona sologa lelei lava lea o mea uma.

“Aua nei ola fa’alagolago ma ola samasamanoa ae ia ola ina ia mafia ona maua ni matua sili mo aiga, nu’u ma ekalesia. 

Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?