O le fagota lava le tali mo se seleni fa’asili

By Aruna Lolani 14 June 2017, 12:00AM

O le tamā i a Tommy Kaitu, 40 le matua o le soifua o Solosolo e galue i se tasi o kamupani saina e lalata i le taulaga. 

Na ia fa’ailoa i le Fofoga o Samoa o le taimi lenei o lo’o ia taumafai lava ina ia mafai ona tausi le aiga i tupe o lo’o ua maua i taimi nei. 

“Ia e tau mai nei o lenei fo’i ua aga’i mai le sami ona o le tulaga fo’i lea o le taumafai ina ia tausi lava aiga. 

“E pei o lea lava le tulaga o lo’o feagai ma aso uma, a uma mai lava le galuega ia ua sau i tai nei e tau su’e atu se i’a aua se mea’ai a le aiga. 

 “O le itu pito sili lava ona o tatou iloa lelei, ua tele lava ina o tatou galulue mo le tausia o aiga. 

“E pei ona taga’i mai e 8 lelei a’u ia na maua la’u fagotaga ia lenei e toe lua lea e tu’u atu e omai lava tagata ma fa’atau. 

“E le tatau ai la ona fa’alagolago tele i ma’umaga mo se tupe ae o so’o se itu lava aua le alualu lelei ai pea o aso uma. 

 “O nei aso ia ua le tatau ona o tatou toe fa’alagolago i aso uma, e tatau lava ona su’e galuega mo le tausia ai o aiga. 

Ua o tatou iloa lava e le tatau ona toe fa’atu’utu’u nisi i nei aso, ona o nei aso ua leaga. 

Na ia fa’ailoa o le isi tulaga o lo’o ua feagai ai nei o le taugata o le tau o le soifuaga pe a fua atu i aso ua alu. 

 “Ia ua maitauina lava i nei aso le ese’ese o aso ua alu ma nei aso. 

 “O aso la e pei sa le ano tele tagata, ae a maua lava le ma’umaga ia o lena lava, aepeitai ua ese ma nei aso ua o tatou i ai. 

 “Ia o le galue lava, a tele fo’i le faitio ma nofonofo ia o le a faigata mea uma. 

 “O tatou aiga, e taua tele mo i tatou ma e ao lava ina o tatou fa’ailoa mea uma ma galulue aga’i ai mo le aga’i le lumana’i. 

“O le ala foi lea o le o’o ma i nei e fagota e maua ai sina seleni e fa’alagolago. 

By Aruna Lolani 14 June 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>