Maumaga lava e tua ai aiga

By Aruna Lolani 02 July 2017, 12:00AM

O le molimau a le tamā i a Va’ai Sofeni, o le tupe mai le ma’umaga o lo’o galue ai ia le tamā o le aiga i aso uma e sili mamao nai lo lona totogi o lo’o maua.

O Va’ai o ia o se faifa’atoaga ma e to’alima si ana fanau. 

“Ua tele lava le eseesega o nei aso ma aso la,” o lana lea tala. 

“Sa le fa’amoemoe tele ma tagisa se tupe ae o le mea lea ua iai nei, e pei o le tupe lava ua atua ai le mamalu o le atunu’u." 

“O le maumaga lava le fesoasoani malosi, ia ma le afafine e to’atasi o lo’o faigaluega." 

“Ia o lo’o maua lava totogi ae o la’u ia lea tala e fai ona e le taitai ona fa’atusalia ai tupe o lo’o maua mai talo nei mai le ma’umaga pe ā ave e fa’atau."

 “Ia o le tele lava o taimi ou te alu ou te faigaluega ae pei o le tamā lava o le aiga o lo’o nofo i le fale ma fai ai lava lana ma’umaga."

 “Ia e pei la a maua mai le totogi ia e vave ona uma atu ona o le tele o vaega e alu i ai, ae a talo e fa’atau atu, ia e feololo lava sina seleni e  maua mai i le aso e tasi."

“O se tupe tele lea mo a’u ma le tinā o le aiga, ia ona aumai ai loa lea ua fesoasoani i le aiga i le tele o mea fai."

“E le gata i lena o nu’u ma le ekalesia."

“Ia o fa’afitauli masani lava o lo’o feagai ai ma’i matou nei i le tele o aso ia ae a leai la ni vaega nei e tua ai i le tele o taimi ia o lona uiga ua fa’aletonu fo’i."

 “Ia o talo nei, a o’o i le taimi e ave ai e fa’atau ia feololo lava sina seleni i le aso e tasi, e pei o le tasi mafua’aga lea o lo’u ia taofi e tele atu tupe maua mai ma’umaga nai lo totogi."

“O lo’o ia foi le sami e tua iai." 

 “O le laki lava o lo’o i ai i le tele o taimi aua o lo’u iloa i ai ia ua le faigofie nei aso, o le poto lava o le fa’asoa o le ā sologa lelei ai le tausiga o le aiga."

“Ia e pei o le tali lava lea o le galue malosi lava ma ia aua ne’i fiu gofie."

By Aruna Lolani 02 July 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>