O fanau lava le ala o le galue malosi

By Aruna Lolani 02 July 2017, 12:00AM

E leai lava se matua e le avea le fa’amuamua i le fanau. E leai foi se matua e le manatu ina ia i’u lelei le fanau. 

Mo le tinā ia Keyanna Michael o lana lea foi mau ma o lana fa’amuamua  e ave lava e fanau. 

“O lo’u to’alua lava le alagatupe malosi o si o matou aiga ae o a’u o lo’o galue lava le ma maumaga i le fale,” o lana lea tala i le Fofoga o Samoa. 

O lea le fa’amoemoega tele o lo’o i lona aiga aemaise o le mafua’aga o le ma’umaga e pei ona ia ta’ua.

“E le gata ina tua i ai i le tele o taimi, ae o lo’o ua fa’aititia ai le tele o tupe alu i mea’ai mo aso ta’itasi."

“O lo matou aiga e tele lava ina fa’alagolago i vaega nei mo le tausiga i aso ta’itasi."

“E moni lava o lo’o i ai tagata faigaluega ae o la’u ia molimau e sili mamao le tupe o lo’o maua i le fa’atau atu o talo i aso uma." 

Na fa’ailoa e Keyanna o le tele lava o aso o le tamā lava o le aiga o lo’o faigaluega e o ia o le maumaga lava." 

“Ia o lo’o faigaluega foi le tamā ae o a’u nei sa ma'ua fai fai mea lava i autafa le fale." 

“Ae pei o ia lava o lo’o gafa ma le galueaina o le ma’umaga i le tele o aso ma e tele lava ina tau le maua se malologa i nisi o taimi."

Sa ia taua o taugata o le soifuaga e le’o se tulaga faigofie. 

 “Ia ma e le fou lea tulaga i si o matou nu’u nei, o le tu’u atoa ai lava o le malosi e fa’atau atu le tele o talo i le mamalu o le atunu’u."

 “O le itu lelei lava o le maua o le tupe i taimi uma, ia o nisi o taimi ua taofi le tōtōina ona e ao lava ona tu’u se avanoa i le palapala ia na toe amata fo’i lea."

 “O lo matou aiga ia e faigofie lava ma o lo’o i ai i latou o lo’o faigaluega e pei o lo’u to’alua."

 “Ia e pei lava ona ou ta’ua muamua e pei e sili tupe e maua i le ma’umaga nai lo le faigaluega."

 “Ia aua e mafai ona fa’atau atu solo i so’o se itu ma tele ai lava tupe a le tagata i le tele o taimi."

By Aruna Lolani 02 July 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>