Mana’omia se tanevai

By Ilia L Likou 04 April 2018, 12:00AM

O lea le manaoga o le tinā i a Lata Poe i le fa’atalatalanoaga ma le Fofoga o Samoa i le vaiaso na se’i mavae atu nei.

“Ia e pei ona silafia e to’atolu tagata matutua o lo matou aiga ma tamaiti.

‘O le suavai o se itu manaomia tele lea i le taimi lenei, ona ua o tatou iloa uma lava le aoga ovaega nei mo le soifuaga.

Na ia fa’ailoa o lo’o i ai se pili tuaa o lo latou vai i le Pulega a le Suavai.

“Ia ae ona ua leai lava se tupe e pei o lea lava le tulaga faigata o lo’o ua i ai nei le soifuaga.

“Ua tauau na le maua ai ma se moe lelei i nisi o taimi ona o le taugata o le soifuaga.

“O le itu mautinoa ia e o’o lo matou fale o lo’o ua mana’omia foi se fesoasoani  i ai.

“E le faigofie lenei vaitau ua tatou i ai, ae o lea le tulaga o lo’oua taumafai ai pea lo matou aiga i le taimi lenei.

“O le itu mautinoa o le alolofa mai o nai aiga tuaoi o lo’o mafai ai pea ona maua ai le fesoasoani tau suavai.

“O si o matou aiga , talu ona uma Gita e pei ona fa’aleagaina ai le tele o vaega o le atunu’u ia o lea foi le tulaga na fa’aleagaina ai lo matou fale.

“Ua matuai leai lava se fa’amoemoe mo le toe fa’aleleia o vaega na leaga i le afa.

“O le itu e ao ona silasila i ai, ia taumafai lava lea e maua sina seleni e ola ai mai lea aso i lea aso.

“Aua ua o tatou iloa uma lava le taugata o le soifuaga o lo’o ua i ai nei.

“E pei ona fa’ailoa atu muamua , e pei o le suavai ia seiloga lava e maua le tupe e totogi ai le pili tu’ua, ae o se tanevai o lo’o ua va’ava’ai atu ai lavamo lenei taimi.

“Ina ia mafai ai pea ona maua le fiafia aemaise ai o fanau.

Fa’afeso’otai le 7244296 pe a fia fesoasoani mo Lata.

By Ilia L Likou 04 April 2018, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>