O le a talanoaina i Apia Fuafuaga fou a Malo ‘Aufa’atasi mo le Pasefika

By Fa’aliliu e Maiava 15 June 2016, 12:00AM

O le itula e iva a-taeao, e amata ai feutaga’iga mo le atunu’u aoao e aofia ai fa’alapotopotoga ma sosaiete ‘ese’ese uma i Samoa fa’apea vaega tuma’oti, e talanoaina ai le tu’ufa’atasia o se vaega fou o Fuafuaga a Malo ‘Aufa’atasi mo le Pasefika (UNPS) mo le 2018 – 2022. O lea feiloa’iga o le a faia i le Potu Fono a le Vaega mo Taumafa ma Fa’ato’aga (FAO) a Malo ‘Aufa’atasi i Matautu-uta. 

E silia i le 50 i latou o lo’o fuafua e ‘auai, e aofia ai sui mai Fa’alapotopotoga Tuma’oti ma sosaiete ‘ese’ese, o vaega o faifa’ato’aga, le Vaega o le aganu’u e gafa ma le lalagaina ma le saunia o ‘oloa Samoa, o sui o le vaega tuma’oti, o le ‘aufaiPisinisi TauFaletalimalo fa’apea fa’alapotopotoga mo ‘autalavou. 

O ia fetufaa’iga fa’alotoifale, o se vaega fa’aauau o le tagofia ma le tu’u-fa’atasia o se Fuafuaga a Malo ‘Aufa’atasi mo Atunu’u o le Pasefika. O lea fetufaa’iga, e fa’amautuina ai le o-gatasi o fuafuaga fou ma vaega tau-atina’e ua ‘ave iai le fa’amuamua, e fa’atinoina i faiga-fa’aPa’aga ma le malo, le vaega tuma’oti ma isi pa’aga, e taulamua ai le Vaega a Malo ‘Aufa’atasi.

O lo’o tu’u-fa’atasia ma tapenaina lenei fa’amoemoe e le Vaega a Malo ‘Aufa’atasi i Samoa nei, lea e fa’amoemoe e fetufaa’i ai ma vaega tuma’oti ina ia ‘ausia ai se maliega ‘autasi i faiga-fa’aPa’aga a Malo ‘Aufa’atasi ma isi pa’aga lagolago i le tu’u-fa’atasia ma le fa’atinoina o Fa’amoemoe o Atina’e Fa’aauau mo Samoa i le tausaga e 2018 – 2022, le taimi fa’atulagaina o Fuafuaga a Malo ‘Aufa’atasi mo le Pasefika. 

Na fa’ailoa e le Fa’atonu o Malo ‘Aufa’atasi i Samoa nei, o Lizbeth Cullity, o le feiloa’iga lea a vaega ‘ese’ese o le atunu’u aoao, o le a fa’amalosia atili ai galuega ma ta’utinoga a Malo ‘Aufa’atasi mo I’uga-fono ua ta’ua o le S.A.M.O.A. ma lagolago ai taumafaiga mo le ‘ausia o Fuafuaga Tau Atina’e o le Meleniuma mo le 2030.

“O lea fonotaga o le a talanoaina fa’atasi ai ma fa’ailoa fautuaga iloa i ‘auala e mafai ona faiPa’aga ai Malo ‘Aufa’atasi ma fa’alapotopotoga tuma’oti ‘ese’ese uma i le atunu’u, ina ia ‘ausia ai faufuaga ma fa’amuamua tauAtina’e mo le atunu’u aoao se’ia ‘ausia uma Fa’amoemoega Autu mo le Meleniuma.   

A mae’a le feiloa’iga lea e faia a-taeao, ona soso’o ai lea ma se feiloa’iga fa’apea fo’i e faia i le Aso Tofi, 23 o Iuni i le vaiaso fou, lea o le a ‘auai sui o le malo o Samoa ma Tokelau.

By Fa’aliliu e Maiava 15 June 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>