Naunautaiga e saili galuega mo se manuia o fanau

By Aruna Lolani 03 May 2017, 12:00AM

E leai se mea e maua ma se filemu ma le faigofie pe a leai se galuega e faalagolago iai le ola ai mo aso uma.

O faalogona lea o se tina mai Tanumapua i lona silafia I lenei vaitau ua iai nei le faigata ma le alualu I luma o le olaga ua iai nei.

O le tina ia Malaga Kovati, 37-tausaga le matua e toa sefulu-lua lana fanau ma na faaalia lona agaga ootia ina ua maua atu e le Fofoga o Samoa lona aiga ma le tausiga ua iai nei si ana fanau.

I le vaai a le tina ia Malaga o le vaai alofa lea io le tama o le aiga aua e na’o le pau lea o le tagata faigaluega o lona aiga o lo’o iai nei mo le tausiga o le la fanau. O lana galuega o le fai faatoaga lea ma faatau atu aua se tupe maua mo lona aiga.

“O galuega faatino e le’o taimi uma e maua mai ai le fiafia ae o le fiafia e maua mai lea i le faatino o galuega” o lana tala lea i le Fofoga o Samoa.

“O lo’o moomia lava e a’u nei se galuega aua mo a’u lava ia o se tina e tatau ona ou galue malosi e fesoasoani I le tama o le aiga I so’o se itu e moomia ai le tausiga o fanau.

“O galuega masani lava ia mo aso uma o le galue ina ia mautinoa o lo’o maua e le fanaule manuia aemaise o meaai i aso uma ma le o atu ai i le aoga.

“I le taimi nei o lo’o faia le faatasiga a tina uma lava o le matou nuu ma o nisi o mataupu o lo’o talanoaina o mea e moomia i le ola ai i aso uma, o lo’u mafaufau o le sailia lea o sa’u galuuega o la’u tatalo lava lea i aso uma e tuuina atu i le Atua ina maua sa’au galuega mo la’u fanau.

I le mau a le tina ia Malaga o le tausiga o fanau o le galega so’oso’o tauau lea a ia ma le tama o le aiga e fai.

“O le tiute lava lea faale-tina o le fesoasoani lea i le tama o le aiga if eau ma galuega fai i aso uma ina ia maua mea aua le tausiga o fanau, ae o mo a’u lava ia po o le a lava le galuega e maua o lena lava talosia ia vave mai le aso e maua mai ai se faamama-avega mo a’u ma lo’u aiga.

“To’a sefulu-lua la’u fanau ma o le tasi o i latou o la’u pepe, o lo’u manatu o se vavega le maua mai lea o se apa susu mo ia i aso um ape a faatusatusa atu i le tulaga ua iai nei. Pe a faatusa atu i lo’u aiga e seasea lava maua ni seleni mo mea e moomia i totonu o le aiga.

E le gata mo le tausiga o fanau ae o nofoaga foi o lo’o nonofo ai ma lona aiga o se tulaga e faigata tele ona faasoasoa.

“E totogi lava le $100 i le masina i le fanua lea o lo’o matou nonofo ai nei aua o le fanua nei o le fanua a le SLC ma o lo’o faapena foi ona matou totogiina foi.

“O le tulaga pito sili ona faigata mo lo’u aiga- o le leai lea o se eletise faatasi ai ma le suavai, aua o mea taua lava ia i le olaga o so’o se tagata o le maua lea o le suavai ma le moli mo le ola ai i aso uma.

“Na totogi le pili mol ii le aso 4th o Fepuari ae o taimi uma lava e vili aio le EPC o le latou tala mai lava e le’i o’o mai le latou faasologa i le nofoaga o lo’o matou nonofo ai.

“Ae o le suavai e maua mai le matou vai i lo matou aiga tuaoi.

“O lenei o le a atoa le matou tausaga iinei ae ua maitauina lava ua tele tulaga ua suia.

I le amataga na nonofo ai Malaga ma lona aiga i Savaii ae o le latou mafaufau e omai ai i Upolu ona o le sailiga lea o se manuia mo lana fanauia ma ia iu lelei aoga.

“O le faamoemoega atoa lava ina ia maua e fanau se lumanai manuia aua nei pei o le faigata lea e feagai nei ma matua, o le faigata lava lea e iai nei e na’o le to’atasi le tagata faigaluega o le aiga nei ua na’o le tama o le aiga.

Sa faigaluega le tina ia Malaga i le Pacific Inn Accommodation ae o nisi lava o tulaga i totonu o lona aiga ua tuua ai e le tina ia Malaga lana galuega ae ua ia nofo ma fai le fatu aiga tausi o le tausiga lea o lana fanau.

“Out e lei tuua la’u galuega ona o nisi o tulaga leaga pen a ou faia foi se mea leaga, e leai out e fiafia i la’u galuega ae e faamuamua lava lo’u aiga na ou faamaoni foi i la’u galuega e le misi foi se aso o o’u faigaluega ma out e talitonu e o’o lava i so’o se tagata le mea lea ua ala ai ona ou tuua la’u galuega e mo fanau lava.

“To’asefulu-lua la’u fanaue ao’oga nisi a’o isi e leai matou te nonofp lava i le fale i le taimi nei o lo’o taumafai lava i le mea e gata ai le taumafai aua se manuia o fanau.

“O le tiuta lava faale-tina o lo’o faia i aso uma o le kukaina o meaai, o le faamamaina o totonu o le fale aemaise le siosiomaga iona ai mama

“Out e moomia lava se galuega ina ia fesoasoani ai i lo’u toalua mo le tausiga o le ma fanau. 

E maua le tina ia Malaga Kovati i le numera o le telefoni- 7292521.

By Aruna Lolani 03 May 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>