Tautua Aiga

By Ilia L Likou 13 January 2018, 12:00AM

O Emosi Mata’u e mai le afioaga o Moata’a.

O se tagata galue malosi ma o lo’o fesoasoani tele i lona aiga.

Na feiloa’i atu le Fofoga o Samoa ma Moemai a’o ia aga’i atu i lana maumaga.

Na taua e Emosi, o lana lava lea masani lea i aso uma.

“Ia ua o tatou iloa uma le tulaga e pei ona ua i ai le soifuaga i nei aso o tupe lava mea uma o lo’o o tatou i ai.

“E pei o lea lava le tulaga olo’o ua i ai letaimi lenei i le soifuaga, ma e pei o lea foi le manaoga mo aiga.

“A le galue ia e leiloa le mea a fai aepei o le una’i lava o tulaga uma aua le aga’i atu ai le lumana’i.

“Ua le o toe faigofie nei aso ma ua o tatou iloa uma lava.

Na mafai foi ona fa’aali manatu a Emosi i le olaga lea ua iai le tatou atunu’u.

“Ua tele lava le ese’esega o le olaga o Samoa i lenei vaitau fa’atusa atu i la aso”.

“Talitonu o le tele o tagata i lenei vaitau ua na’o le fiafia e fa’atali se’iloga lava e avatu se mea, ua le toe fiafia e galue ona maua ai lea o manuia”.

Na saunoa foi le ali’i o Emosi i le tau o le soifuaga ua iai nei Samoa.

“Ou te iloa ua matua faigata ma taugata le tau o le soifuaga i Samoa i lenei vaitau, ae pau le mea ia tatou taumafai e fai, o le galue malosi lea ina ia mafia ona tatou tali atu iai ma tatou taumafai pe lava e toe aga’i e galulue a tatou fanua ma fa’atoaga”.

“E pei e sologa lelei mea uma pe a o tatou galulue fa’atasi mo so’o se itu lava, o le a le mea e mafai ona tatou fa’atinoina  o lena lava.

“Ia o lea lava le soifuga ua i ai ua le toe faigofie nei aso ma ua matua’i faigata lava.

By Ilia L Likou 13 January 2018, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>