Fa’afitauli tau nonofo mamao ma le auala pasi

By Fetalai Tuilulu’u 16 April 2017, 12:00AM

O le aso ananafi na maua ai le fa’atalatalanoaga le Fofoga o Samoa ma le tinā ia Sera Oteli ma sa ia fa’ailo ai se manatu e uiga le faigata le soifauga ua iai nei ia ma si ona aiga. 

O le tinā ia Sera Oteli e 50b tausaga le matua le soifua ma o lo’o nonofo ne ii Nofoali’i. 

“Ia o lo’o sologa lelei mea uma i totonu si o matou aiga, e ui lava ina leai se tasi e faigaluega e maua ai se seleni mautu ae peitai e agalelei lava le Ali’i tali mai i le mativa e ala lea i si o matou maumaga. 

“O matou e nonofo i gautā fai sina mamao atu i tua, o lea foi la tout e tai mai ai nei ua oo mai le savaliga i taia nei ona o le leai ni pasi e o’o atu i gautā. 

“O lea foi le tulaga e sili ona fa’anonoa ai ai lo’u nei tagata ona o le leai ni pasi e oso atu le itu lenei si o matou nu’u. 

“O le tele o matou meamata e fai ave le maketi a’o le tulaga le na i le faigata o auala femalagaina. 

“Ae ui i lea e leai se mea mafai, ua uma foi ona talosagaina lenei fa’afitauli fa’atasi ai ma le leai se paipa ua sili ona lē lelei le mataupu. 

Na ia fa’ailoa e le tinā taua tele o le iai o le vai.

“E oo uma lava ia tatou le lagona fa’anoanoa pe a leai se suavai e o’o atu i lou fale. 

“Sa talosagaina lava le suavai ma o le tulaga lena ona o le mamao i tua o matou fale. 

“E leai foi se mea mafai pe a fai e na’o le pau le ao fanau ua tu’u mai e tausi ai tatou aiga ma nonofo ai. 

“Ia o la’u ia lea lu’i i la’u fanau  laiti e to’a’aga e o i le aoga.

“O le olaga lenei, e ese’ese taleni ae ia fa’amuamua lava le aoga, pe uma mai la, o le a le galuega e alu i ai.

“A ua iloa ona faitau, tusitusi vaega uma, o la’u ia lea lu’i i  ai, ia lea fo’i ua feola ane ma fanau o fanau ia o lea fo’i ua amata ona ou sau e aumai le aoga.

 “Ia na ou fai lea i ai aua, e le popole toeititi lava, ia e fiafia fo’i lo’u loto ona e va’ai atu e naunau lava i latou e omai le aoga e ui o lo’o laiti pea lava.

By Fetalai Tuilulu’u 16 April 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>