Aua le fa’aloglogo tigā

By Ilia L Likou 22 October 2017, 12:00AM

O le maua ai o le fa’atalatalanoaga ma le Fofoga o Samoa ma le tinā i a Tai Molimau na ia fa’ailoa ai le tulaga faigata ua i ai nei Samoa.

“E mafua la’u ia tala ona o le taugata o le tau o le soifuaga ua i ai nei aua o le to’atele lava o nai aiga ia ua matua’i tau le gafatia lea tulaga, ma o se itu e ao lava ona silasila lelei i ai."

O Tina o lo’o faigaluega i se tasi o aiga e le mamao ese ma lona aiga ma e to’afitu o a la alo ma lona to’alua.

“Ia e pei o le alava le soifuaga o lo’o ua i ai nei Samoa, o le a le tele o tagata o lo’o ua i ai nei aemaise o le va’aiga fo’i le le e pei e foliga e lava le fa’asoa i taimi uma."

“E le’o lea le tulaga ua i ai nei Samoa, ma e ao lava i tagata uma aemaise lava matua ona ave le fa’amumau i le su’eina o nai tupe aua le tausia ina o nai fanau."

“O le itu mautinoa ia o lea lava le tulaga o lo’o ua taumafai ai pea ia mafai lea ona fa’atino o so’o se auala, aua o nei aso a le aunoa ma le sulu o le ulu e su’e le tupe ia e fia’a’ai fanau ma aiga."

O le taimi lenei o o’o faigaluega fo’i le tamā o le aiga.

“O lea lava le tulaga e pei ona fa’ailoa muamua atu, e le se olaga na o le nofonofo ma fa’atalitali e sau le mea’ai e su’e oe."

“E leai, e tatau lava ona taumafai e o su’e galuega, o le taimi leneoi o lo’o i ai le fanau to’alima i le aoga ae o le isi to’alua e laiti."

“E pei o lea lava le tulaga o le naunauta’iga ai o o ma loto ma le tamā o le aiga ina ia taumafai e o uma e galulue."

“Ia o le tala lava lea o lo’o fa’amalosi fo’i le fanau, ia to’a’aga e o i le aoga ma fai fe’au aua e le fa’apea na o le aoga, ae o le aiga i le isi taimi."

"E matutua ane fo’i e iloa le mea e tatau ona fai aemaise lava i le atina’eina o aiga."

By Ilia L Likou 22 October 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>