Toe lapata’ia e se Faipule le malo

Ua toe lapata’ia foi le Palemia, Tuilaepa Sa’ilele Malielegaoi ma faigamalo. Ua tapā e le Sui Usufono o le Palemene o Olo Fiti Vaai Tuilaepa ina ia toe mafaufau i suiga ua fai e lana faigamalo i le Tulafono Toe Teuteu Tau Sitiseni 2014.  

E tusa ai ma sana faaaliga i le Samoa Observer ananafi, fai mai le Faipule o Salega Sisifo e le tatau i le Palemia o Tuilaepa ona matua noatia i ana taumafaiga ina ia totogi le aitalafu a Samoa ia Saina-ma ua galo ai ia te ia le mea e sili ona taua.

Fai mai a ia afai e alofa moni Tuilaepa i le atunuu, e tatau ona ia toe iloiloina lea tulafono taufaaofi. 

 “O la’u fautuaga ia Tuilaepa ma lana faigamalo-ia talanoa mea mea ia e fiafia ai le atunuu,” o lana faaaliga lea. “E tatau ia te ia ona toe mafaufau i lenei mea ae le o le noatia i totonu o le tau sailiga o tupe mai pisinisi a tagata Saina-ina ia mafai ai ona toe totogi le tatou aitalafu, ae faagalo le isi auga-tupulaga.  “E foliga mai o loo aisi o ia i tagata Saina ina ia mafai ai ona toe totogi le aitalafu poo le faamagalo foi. O le tulafono e malamalama lelei e faapea-ia faamalie ai manaoga o tagata Saina-e ala i le maua ai o sitiseni.”

ADVERTISEMENT

O suiga i totonu o le Tulafono Toe Teuteu Tau Sitiseni 2016 sa i luma o le Palemene-e aofia ai le le fuaiupu 7 o le Tulafono-ina ia aofia ai le tupulaga lona lua o tagata Samoa na fananau i fafo atu o Samoa-o matua poo matua o latou matua o se sitiseni Samoa i le aso na fanau ai.Na tuua’ia e Tuilaepa le Faipule fai mai e le malamalama i le Tulafono Tau Sitiseni mo Teugatupe Faafaigaluga 2015.

Ae sa teena e Olo lea manatu. Fai mai a ia e malamalama lelei i le eseesega –ae tele isi mea e uiga i suiga.Na ia faamalamalamaina e faapea afai e moni le Palemia e faapea o ia suiga e mo tagata lakapi Samoa i atunuu mamao, na ia fautuaina e faapea o le upu “:tagata Samoa”e tatau ona tuu i totonu o le tulafono tau faaofi e faataga ai na o i latou e i ai o latou toto Samoa. Sa faailoa atu foi e Olo i taimi ua alu e le o manaomia se suiga i le tulafono e faataga ai tagata Samo o i fafo-e maua ai sitiseni Samoa –talu ai o le latou aia tatau lea e tusa ai ma lo latou fananau mai. 

“O le mea lea-ua ‘ou le malamalama pe aisea e tatau ai ona tatou suia le tulafono i le taimi nei –pe afai o le tulaga lenei-o le faatagaina lea o a tatou fanau Samoa o loo i fafo e taaalo mo Samoa,” o le faaaliga lea a Olo. 

“O lenei mea ua na o se suiga lea mo tagata Asia-e o mai ai i totonu o le atunuu. E le o a’u o se tagata faailoga-lanu e tete’e ia i latou ae o lea ua aliali mai le taimi nei-o loo tatou faalagolago ia i latou mo lo tatou tamaoaiga-ma o loo faaauau pea ona nono mai e Samoa tupe mai ia i latou.”

Sa faaauau pea le saunoga a  Olo ma fai mai ua faigata ona maua e Samoa ni fesoasoani mai isi atunuu ona o lana faiga e le o toe faa-temokarasi-ae ua fai faa-setete e tasi lana pati. O le itu mulimuli, fai mai Olo o le eseesega i le va o ia ma le Palemia-o ia e tautala mai le loto.

“O Tuilaepa e tautala mai lona malamalama i mea,” o lana faaalgia lea. Ou te tautala mai lo’u loto lea o loo i ai le agaga o le Atua e musumusu mai ia te a’u. O le mea lea-afai ua na faaigoa a’u o le vale-o lona uiga-o loo taalo o ia i le fe’au mai le Atua e pei ona ia musuia ai a’u…ae ou te le’i lauga i totonu o le Palemene.

Ou te tatalo i le Atua ia fesoasoani mai ia te a’u ma ia. Ou te popole-e le o toe uma ae amata aona savali o ia i luga o ala tetele.” Ina ua talosagaina sona finagalo faaalia i le Aso Tofi e uiga i le tuuaiga a Oloa, fai mai Tuilaepa e faavalevalea le Faipule. O lona uiga la o lea mea e matua sese lava (o le tuuaiga lea a Olo). O le suiga e le mafua mai ona o tagata mai fafo e teu faafaigaluega a latou tupe. E mo tagata Samoa ia na fananau i fafo-ae le o mafai ona maua ni sitiseni Samoa.” 

ADVERTISEMENT
Bg pattern light

UPGRADE TO PREMIUM

Subscribe to Samoa Observer Online

Enjoy access to over a thousand articles per month, on any device as well as feature-length investigative articles.

Ready to signup?