Fa’afetai i matua

By Ilia L Likou 21 October 2017, 12:00AM

O le ola fa’afetai i matua  i lo latou alolofa o se itu  taua tele.

O lea le talitonuga o Eric Osa i le fa’atalatalanoaga ma le Fofoga o Samoa i le aso ananafi.

Na ia fa’ailoa o se itu lelei tele le taumafai ai fanau ia lelei so latou tali atu i le alofa o matua mai lea aso i lea aso.

I le fa’atalatalanoaga ma le Fofoga o Samoa na ia fa’ailoa ai e le’o se tulaga faigofie na taumafai mai ai lo latou aiga aemaise lava o matua i le itu o le tau fa’asoasoa.

“Ia o lea lava le tulaga e ao ona fa’atinoina aua le lelei alu i luma o nai fanau ua i ai lenei vaitau.

“O le olaga atoa lava ia e pei o matua lava na faufautua, na ou va’ai lava a’u ia ia o le a le le tagolima o matua ae na taumafai lava aoga ia lea ua o’o mai ai ma le manuia ma o se itu taua tele lea.

Na ia fa’ailoa e tele lava auala e mafai ai ona fa’ailoa le agaga fa’afetai i matua.

“Ia o le itu muamua lava, o le usiusita’i o le a le feau ua fa’atonu atu e fai ia fai mea uma ma le iloa ia e leai lava se isi mea e maua pe a le faia o le fusipa’u lava le tali.

“O lo tatou fa’afetai atu ai fo’i i lo la tausiga i aso uma ia o se tasi lea o itu e ao ona fa’ailoa atu e matou le fanau mo i latou.

O lona talitonuga o le tatau lava ona ave le fa’amuamua i fanau ma o se tulaga e ao lava ona va’ava’ai i ai.

“E pei o lea lava le tulaga o lo’o i ai le taimi lenei, o le taumafai lava e ave le fa’amuamua i matua, aua e pei o nai matua lava o lo’o galulue, e fai o tupe o aoga.

“Ae le gata i lea o tupe mo mea’ai i aso ma vaiaso uma lava, ma o se itu taua tele lea lea i lo’u iloa i ai.

O Eric o se tasi alo o le atunu’u o lo’o ua maua le avanoa e galue ai luga o va’a mo Italia.

By Ilia L Likou 21 October 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>