Ia taumafai pea

By Ilia L Likou 05 February 2017, 12:00AM

Na fa’ailoa e le tamā i a Simone i le Fofoga o Samoa le tulaga lelei o lo’o gasolo ai le soifuaga i totonu o lo latou afioaga, o Leauva’a.

“Ia e leai lava ni tele o ni vaega o lo’o o matou fa’atinoina lenei vaega o le atunu’u.

“O lo’o sologa lelei lava mea uma i le alofa ma le agalelei o le Atua.

“O lea lava le tulaga olo’o ua i ai le taimi lenei,ia o le taumafai lava e fa’aaoga lelei le lauele’ele o lo’o ua i ai nei.

“O lo’o ua tatou iloa uma lava le taugata o le tau o le soifuaga olo’o ua tatou feagai ai , ae o le taumafai lava e fa’atino o so’o se vaega mo le lelei lautele o si o tatou atunu’u.

“Aua fo’i le va’ai atu ua tele mea fai ona nofonofo ai lava lea, ae tatau lava ona galulue.

Na ia ta’ua o lo’o i ai le fa’atoaga olo’o tua ai le aiga.

“Ia o a’u o lo’o le ma’umaga i le pito i tua ia olo’o toto ai fa’i, kukama ma so’o se fuala’au ‘aina lava.

“O lea lava le fa’amoemoega ia mafai ai lea ona fesoasoani mo le atina’eina o so’o se aiga, ia ma ou te lagona olea lava le lima taumatau o le tele o  nai o tatou aiga olo’o ua i ai le taimi lenei ia o ma’umaga. 

“E pei e fa’amuamua lava aiga i so’o se taumafaiga olo’o ua i ai nei, ia aemaise o nai fanau aoga olo’o ua toe fo’i atu i aoga.

“Ae o lo’o sologa lelei lava mea uma, o nei fo’i vaitau e le tatau lava ona o tatou nofoa’i ae ao ona galulue pea aua se filemu ma le lagolagoina o nai o tatou aiga.

“Ua faigata lava, ia ae taumafai , e leai lava se mea e maua ma se filemu.

“Ae a tu’u i ai le loto ma fa’alagolago i le Atua, ia ole a le taumate le tulaga lelei e o’o ai lo tatou taumafai.

By Ilia L Likou 05 February 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>