Lelei tupe maua

By Vatapuia Maiava 18 September 2016, 12:00AM

“O lo’o sologa lelei mea uma i le pisinisi” Ropeti Ropeti o Samatau.

O le afea ai o le Fofoga o Samoa o le fale’ie a le taule’ale’a o Ropeti ma lona aiga i le aso ananafi na ia fa’ailoa ai, o la latou pisinisi ua leva ona galulue ai le aiga i le tau atina’eina.

O le fale’ie lenei e tala  mai o le Uafu  i Mulifanua ma o lo’o fa’atauina so’o se ituaiga taumafataga aua lava le fofoga taumafa o le atunu’u.

Na ta’ua e Ropeti o lo’o sologa lelei mea uma.

“Ia o matou i tua nei e leai lava ni fa’afitauli o i ai, e le pei o le taulaga e pei e fai ma tau tele nai isi o vaega e aga i ai.

“Ia ou te ta’utino lava a’u ia, o le matua’i tupe lelei lava o lenei pisinisi, o lo’o mafai ona matou fa’atauina atu sapasui, talo, mamoe, o moa, ma isi lava mea’ai.

“O lo’o matou tu’uina atu fo’i le tele o oka i nisi o aoga, ma e le gata i lena  ae o lo’o alu fo’i le kiliva.

“E fesoasoani malosi le pisinisi mo le aiga lava ia i lo’u iloa i ai.

O le fa’afitauli ‘ia o tagata lava’

“Sa taumafai se tasi fo’i e taofi le pisinisi nei ia ae le mafai aua ua ma’ea ona o’o mai le ofisa o le malo, o lo’o lelei mea uma o lo’o tapena ai mea’ai.

“E leai se mea e tasi o fa’aletonu.

“O lo’u ia iloa ai i lenei pisinisi , ia o lo’o tuputupu pea i taimi uma.

O le fa’atinoina o tapenaga e mana’omia ai lava le tu’u uma ai o le malosi.

 “Ia e feala lava e le’i taitai e tapena mea uma lava ae le’i ao aua e tatau ona ta ane le 6 ua tatala le fale’aiga.

 “O le keke pua’a ia o le taeao lava, ma e tatau ona fa’amuamua…ma e fa’apena fo’i i le tapenaga ai o isi mea’ai.

“E ui lava ina tele fa’afitauli ia ae o lo’o lelei lava mea uma….o lo’o i ai fo’i le faleoloa i totonu o le afio’aga.

By Vatapuia Maiava 18 September 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>