Tupe lava mea uma!

By Ilia L Likou 11 December 2017, 12:00AM

O le maua ai o le fa’atalatalanoaga a le Fofoga o Samoa ma Tulia Tulia  o Safa’atoa Lefaga na ia fa’ailoa ai nisi o vaega taua o lo’o fa’apea ona ia fesoasoani ai lona aiga.

“O le itu moni lava ma le mautinoa, ia o lea lava le tulaga o lo’o i ai nei e leai lava se vevesi o i ai, ma ele tele fo’i ni tupulaga feoa’i vale o i ai.

O ia o se fai fa’atoaga.

“E pei o lea lava le tulaga o lo’o fesoasoani tele mo le  tausia ai o le aiga.

“Ia o le tulaga masani lava o lo’o o matou i ai le taimi lenei, o le taumafai lava ina ia vave ona fa’atino o feau i le taeao ae le’i taitai le aso.

“Aua e pei o le uiga o la’u tala o le la lava e taumafai ia aua ne’i afaina ole soifua maloloina ona o le ‘a’asa o le la.

‘Ia e pei e fua fo’i lava le gasologa o  feau i le la.

Na ia ta’ua o le taimi lenei o le taumafai lava e atia’e aiga.

“Ia o lea lava le tulaga o lo’o fesoasoani ai aiga, aua o a’u le isi tagata e molimauina le faigata o le soifuaga pe a leai se galuega.

“A misi mai le galuega ae o le itu taua o le mafai lea ona maua o se vaega e fesoasoani ai aiga mo feau taua mai lea aso i lea aso i le fa’atoaga e pei ona ua i ai nei.

O le itu mautinoa o le i ai lea o se alagatupe e mafai ona tausia ai aiga.

“E pei o le auga lava lea o le galulue malosi ai o tatou tagata aua o le tupe e fa’amoemoe ai le tele o vaega.

 “O lo’u ia iloa i ai, ia mafai ona fa’atino o so’o se vaega e tusa po o le a lava le tulaga e mafai ona o’o i ai.

“Ia ma o le tupe fo’i e mafai ona fesoasoani i a ita e fa’atino ai se mea o loto i ai, ae o lo’o sologa lelei mea uma i lo matou pito nei.

By Ilia L Likou 11 December 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>