Kirisimasi lea e sili ona lelei

28 December 2015, 12:00AM

Deidre Fanene

Faaliliu e Seagaitumua Tupuola

O se alii mai Satapuala ua avea nei ma pule mitamita o se 2016 Hyundai Tucson ma e faafetaia ai le Hyundai Samoa ma le Digicel.

Ae peitai, Ae peitai-e tatau ia Taoa Faraimo ona fai muamua ni ana aoaoga tau le aveina o le taavale ma se laisene-ona faatoa mafai lea ona faafiafiaina o ia i lana taavale fou.

O Mr. Asu na manumalo i le faalauiloa e $1 e text ai e pei ona faatino e ni kamupani fou se to’alua i le faagasologa o nai masina ua mavae. O le sauniga na tauaao atu ai ia faailoga na fai i le S.N.P.F. Plaza lea e leai se isi meaalofa sili o le Kirisimasi e mana’o i ai Mr. Asu.

O le Ofisa Sili o Pulega o le Hyundai Samoa, o Simon Fruean, ma le Ofisa Sili o Pulega a le Digicel o Rory Condon, na faafetaia Mr. Asu. Mo Mr. Asu, fai mai a ia o le lagona o le maua o se taavale fou ua faigata ona ia talia.

“Sa leai so’u faamoemoe ou te manumalo i lea taavale,” o lana faaaliga lea.

“O se meaalofa uiga ese lenei o le Kirisimani mo lo’u aiga ma ua matua ova lava i luga o le masina. “Ina ua valaau mai le Digicel ia te a’u i le Aso Lulu ma fai mai ua ‘ou manumalo i le taavale, ua matua leai sa’u tala e fai. Sa ‘ou le faamoemoeina lenei mea ma e foliga mai e le o se mea moni. 

Sa ‘ou manatu  ua fai la’u miti se’ia o’o mai i le asō ina ua ‘ou savali mai iinei ma vaaia o le mea moni lea ua ‘ou manumalo i lea taavale.”Fai mai Mr. Asu na ia faaalu le sili atu i le $100 i lea faalauiloa.

“O lea tupe atoa na ‘ou faaaluina i lea faalauiloa o lea ua toe totogi mai,” o lana faaaliga lea.“Ua ‘ou manumalo i lea taavale ae ou te le iloa pe faapefea ona ave ma o lea o le a ‘ou aoaoina ai pe faapefea ona ave le taavale ma maua muamua so’u laisene.”

“Faafetai tele i le Digicel faapea foi le Hyundai mo lenei meaalofa matagofie o le Kirisimasi.” 

28 December 2015, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>