Galulue fa’atasi

By Ilia L. Likou 10 December 2017, 12:00AM

O le taumafai ai o aiga o se itu faigata tele i le finagalo fa’aalia o le tinā i a Lotu Palauni.

I le fa’atalatalanoaga a le Fofoga o Samoa ananafi na ia fa’ailoa le tulaga  faigata olo’o ua feagai ma le atunu’u ona o le taugata tele o le soifuaga.

Na ia fa’ailoa o le taimi lenei e leai se isi o faigaluega mo lona aiga.

“Ia e pei o lea le tulaga o lo’o taumafai ai lava le taimi lenei ilo’u iloa i ai, ia fa’apea ona iloa o vaega uma aua le lelei alu i luma o le atunu’u aemaise o so’o se ituaiga aua lava le taumafai ai ina ia atia’e aiga.

“O le taimi lenei ia e leai se isi o si o matou aiga o maua mai ai se tupe ma o se itu taua tele lea i a te a’u lava ia i lo’u iloa i ai.

“O le tele o vaega o lenei soifuaga o lo’o ua tatou i ai e mana’omia lava le galulue fa’atasi.

O lona lea talitonuga.

“O si a’u fanau e to’alua e le’i leva ona malaga atu mo galuega piki i Ausetalia ia mo le taimi lava lenei e leai se isi mea e mafai ona maua ai se alagatupe.

“E pei o lea le fa’asolo ai lava le fa’atauina o fa’aausi i Aso To’onai uma mo se tupe fa’asili o le aiga.

“E tele lava o taimi e le lava le fa’asoa ae o lo’o taumafai lava mo se fesoasoani.

Na ia ta’ua e mana’omia tele le galulue fa’atasi ai o aiga.

“Ia e pei o lea le tulaga o lo’o i ai lo matou aiga, e le gata ina galulue nai fanau ae o lo’o o’u taumafai atu ma a’u ia e fesoasoani ma e maua ai lava le fiafia mo si o matou aiga.

By Ilia L. Likou 10 December 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>