O le a galulue le Matagaluega o Leoleo e aunoa ma ni togiga-ona o le latou taumafaiga e saili ia maua tagata talavou ia o loo tuua’ia i le fasi o tagata i totonu o le taulaga ma ave a latou taumafa. Na faamaonia e le fofoga o Leoleo mo nusipepa o Maotaoalii Kitiona e faapea latou te lei saisaia lava se tasi. “Matou te le iloa pe o fea e o mai ai,” o lana faaaliga lea. 

Ae o lea ua matou o atu e aunoa ma ofu togiga e pu’e i latou. O le taulaga lenei e o mai i ai tagata mai le salafa o le atunuu ma o lea ua ua faigofie ai mo tagata solitulafono ona feoa’i solo e fai soligatulafono ma o ese…ma o le itu lena ua faigata ai ona tapu’e i latou.”Fai mai Maota e na o lipoti na ia maua mai le lua vaiaso talu ai lea na tuua’ia ai e faaapea na osofa’ia se vaega o tagata i tua ane o le fale o le malo. “E to’alua ni teine ma se tama na o ane i ai nei tamaiti talavou ma o i latou ia na lipotia i Leoleo,” o lana faaaliga lea.

O loo feoa’i i taimi uma Leoleo i totonu o le taulaga ma ua matou lapata’ia foi tagata lautele ina ia o i le mea o i ai se moli ma saogalemu. E faigofie lea mo i latou ona fesoasoani ia i latou pe a manaomia.” Na faamanino lelei e Maota e faapea o ia kegi e le o faatagaina i totonu o lo tatou atunuu ma o lena tulaga o loo faaalia manino i totonu o le tulafono.

O Tuuaiga e faapea o se polokalame tau mafutaga a le autalavou sa fai i luma o le fale o le malo-o le a taofia-ona o le unaiga a le malo ina ia taofia ia faalavelave-ua le mafai ona faamaonia. E tusa ai ma Maota, e leai lava se upu aloa’ia  e uiga i le faaleaogaina o lea faaaliga ae o le vaai a le malo-o lea taumafaiga e le o se mea lea na fuafua e fai. 

 “O tupulaga talavou nei ua latou faia se isi mea,” o lana faaaliga lea. “Ua leva ona faaaoga e tupulaga talavou e feiloa’i ai ma latou uo ma faatupu ai faalavelave. E pei lava o le polokalame o hip hop i aso ua mavae-lea na latou faaleagaina ai taavale a le malo ma meatotino. Ua fai ma mea masani lenei mea pe a i ai tagata onanā ma isi ae o mai isi na o le matamata.”

O loo faaauau pea suesuega a Leoleo i lea vaega o tupulaga talavou..O le Aso To’ana’i talu ai na avea ai tagatta faigaluega o se fale’aiga i totonu o le taulaga o Apia ma tagata na afaina ai talu ai nei-i le faagasologa o osofaiga i totonu o le taulaga a ia tupulaga talavou. 

O lea vaega o tupulaga talavou na latou faafetauia ia tagata galulue na aisi ia latou fagu inu ma mea’ai. Ina ua fai atu tagata faigaluega ia i latou e o ese-sa tali mai lea vaega ma amata ona fetogi mai ma’a. 

I le tolu vaiaso talu ai-o se alii talavou na alu atu e faatau mai sana mea’ai mai le fale’aiga o Pinati-sa faapea foi ona osofa’ia mai tua ma na faoa lana mea’ai.