O le Meaalofa Silisili Ese: Ua faamanatu e Samoa le Kirisimasi

27 December 2015, 12:00AM

Sarafina Sanerivi 

Faaliliu e Seagaitumua Tupuola

 O le faafetai, mea taumafa ma le aiga. 

O le faagasologa lena o le aso mo le afe ma afe o tagata Samoa ma tagata asiasi mai i lenei atunuu i le Aso Faraile ina ua malolo le atunuu e faamanatu le aso soifua o Iesu Keriso. I le salafa o le atunuu, sa lolofi atu tagata i sauniga-lotu i le po o le Aso Tofi, ina ua faitau le taimi ona ‘ausia lea o lea sauniga tele. O nisi o ekalesia na tonu ia i latou e fai a latou sauniga i le taeao o le Aso Faraile. 

Tusa lava pe o le a le taimi e fai ai, ae o le auga lava o le faamanatuina lea o le meaalofa a le Atua i le lalolagi, o lona alo pele o Iesu Keriso. Mo sui auai o le ekalesia E.F.K.S., “O le Mealofa Silisili o Meaalofa Uma” o le ‘auga lea mo le Kirisimasi i totonu o le Tusi Faitau Aso a le Ekalesia i le lalolagi atoa. O lenei autu sa matua lelei ona faatinoina i le po o le Aso Tofi e tamaiti o le Aoga Aso Sa a Faletagaloa –e ala i pesepesega, siva ma taga faatino. 

” Sa faamanatu i le faapotopotoga e Reverend Vaueli e faapea o Iesu o le “meaalofa silisili ese lea a le Atua i le lalolagi” Na ia faamanatu atu foi i tagata uma le taua o le “faatauaina o le ola ma ola e pele ia i latou talu ai o meaalofa uma lava mai le Atua.” “A tuuina atu ia te oe se mea, e tatau ona tausi lelei i ai ma faapelepele i ai,” o lana faamalamalamaga lea. Na ia faamanatu atu foi i tagata uma o le meaalofa silisili o le olaga nei o mea ia e le mafai ona faatauina e pei o le alofa, agalelei, faapalepale, taimi ma le faamagalo atu.

 “A’o tatou faamanatuina le Kirisimasi o lenei tausaga, ia tatou faagalo mea uma ma faamagalo mea uma na tutupu ia i tatou i le tatou malaga ma ia faagasolo i luma. Ua tuuina mai e le Atua le meaalofa silisili ese o le soifua lea o Lona Alo pele e toatasi mo i tatou, o le mea lea e tatau ai ona tatou fefaamagaloa’i. Tuu na mea e o ese -ae tatou o i le Atua” O le Aoga Aso Sa e aofia ai foi ma faafiafiaga faale-aganuu e momoli atu ai le fe’au. E mafua lea ona o le talitonuga o le faia’oga Aso Sa e faapa o la tatou aganuu o se tasi lea o meaalofa silisili a Samoa mai le Atua.” O lea sauniga faamanatu na faaauau i le taeao o le Aso Faraile faatasi ai ma le tufatufaina atu o meaalofa mo tamaiti o le Aoga Aso Sa. O le Aso Malo o le Boxing Day ananafi na vaaia ai le faitau selau ma selau o tagata o lolofi atu i matafaga. Mo isi, o se avanoa lea e saili ai sina moe o le tele o mea fai i le aiga.

27 December 2015, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>