Fa’aaoga le malosi a’o maua le ola - Pesa

By Sarafina Sanerivi 31 December 2016, 12:00AM

O le fa’atino ai o feau tiute ma galuega a’o maua le malosi o le tino , o se itu taua tele lea na fa’ailoa e Pesa Elia o Solosolo i le Fofoga o Samoa.

Na ia fa’ailoa o lo’o tele lava se taimi o lo’o ia tomanatu ai le fa’aaogaina lelei ai o le taimi a’o maua aso o lo’o fo’ai mai e le Atua.

 “Ia o le tele lava o feau e fai i le aso o le fiafiaga lelei i so’o se taimi i lo’u iloa i ai.

 “O le isi tulaga o lo’o lelei ai lava le taimi lenei ma o lo’o i ai le malosi o le talavou olo’o i a te a’u i le taimi lenei.

“O le fa’aaoga lelei lava o le malosi.

 “O la’u ia fe’au ai i Samoa ia o le fa’aaoga tatau lava o le malosi manu o maua le malosi ia ma le fa’aaloalo lava i so’o se tagata le isi itu e pito sili ona taua.

Na ia ta’ua o lenei olaga ia e pisi lava aso uma i fuafuaga a le tagata lava ia.

 “Ia o lea lava le olaga o lo’o i ai i tua nei.

 “Ia e fesoaosani tele lava galuega nei mo le atina’eina fo’I o matou olaga , o i matou ua tusilima i ai o talavou i totonu o aiga, lotu ma le ekalesia.

 “Ia o lea lava le tulaga o lo’o ua i ai nei, ma o se fiafiaga lea i a te a’u lava ia.

 “O lo’o sologa lelei mea uma i totonu o le afio’aga nei, ia o lo’o manuia ma solo lelei vaega uma i totonu o si o matou afioaga.

“E leai lava ni vaega o lo’o tau polepole vale ai.  O si o’u aiga ia o lo’o aga lava le tagata i ana feau ua masani ai ma o lea lava le fa’amoemoega atoa 

 “O lo’o to’atele fo’i latou o lo’o faigaluega ma o le agaga lava lea e tasi o lo’o i ai matou nei.

“Ia e le tele lava ni tapenaga o lenei tausaga, o mea tuai lava.

By Sarafina Sanerivi 31 December 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>