Sainia maliega a afioaga mo le puipuia o galuega faavaitaimi
Ole vaiaso a sau ole a saini lima ai sui ole Matagaluega ale Palemia ma le Kapeneta ma Sui o Nuu ma Sui Tamaitai o Nuu ise maliega mo le puipuia o galuega faavaitaimi i atunuu i fafo.
Ma Upolu olenei faamoemoe ole a faataunuina ile Aso Gafua ile 11;30 ile taeao ile Fale Samoa o Tagata Tafafao Mai Fafo le STA I Apia.
Ae mo Savai’i ole a faataunuuina le sainiga lima i Apita o Pisaga ile Aso Lua 10 ile taeao.
Ua faamananino mai ele Ofisa Sili ole Matagaluega ale Palemia Agafili Tomaimano Shem Leo o le sini autu o nei maliega ose sao lea a pulega a nuu ma afioaga ile puipuia o nei galuega faavaitaimi ona ole tele o faafitauli ua tulai mai e pei ona toe faafoi mai ai nisi oi latou ua solia aiaiga o galuega sa auina atu ai i atunuu i fafo.
Ma ona ole taua tele ole sao o galuega faavaitaimi i aiga lima vaivai ma le tagolima, faalia ai e Agafili ole sini autu lena ua aapa atu ai le malo e ala atu i le Matagaluega ole Palemia ma Kapeneta e tapa le lagolagosua ale mamalu o pulega a nuu ma afioaga.
Mo le silafia ua iai alafua ua maea ona faamalosia ele malo lea e tapu ai soo se afioaga mo se Taimi le tumau mai le toe auina atu o sui o nei afioga i lalo o le polokalame o galuega faavaitaimi pea faapea e toe faafoi mai se tasi o sui o lea nuu ona ua solia ma le usitaia tutuuga o nei galuega.
Mo le tausaga lenei e latalata ile afe 7 selau sui o Samoa o loo galulue i Niu Sila ma Ausitalia i galuega faavaitaimi.