Manatu o le Fa’atonu - O le lototele uiga ese mo se faamoemoe taua

By Mata'afa Keni Lesa 16 April 2016, 12:00AM

O loo i ai lava tagata masani o loo faia ni mea uiga ese i aso uma. E matua leai lava se tulaga masalomia o lea itu.

I lenei la faaiuga o le vaiaso, a’o tuuina atu le silasila a fofoga uma i le Televise ma le faamoemoe mo se taunuuga lelei o le taaloga a le Manu Samoa Ta’ito’afitu i Hong Kong, o loo faatino e se vaega faapitoa o tamaitai se mea e sili ona tulaga ese i le motu tele o Savaii. 

.E faasino la matou faamatalaga i ni tamaita’i se to’atolu o Leilani Jackson, Akesa Fifita, ma Naomi Fuāmatu ia na malaga mai Niu Sila i Samoa nei- e saili ni tupe mo le Sosaiete o le Kanesa a Samoa (S.C.S.) i le faaiuga o lenei vaiaso e ala i le faatinoina o se Malafoni fitā muamua i Savaii.

Matou te ioe e faapea a pa’ia loa le kanesa ma le sailiga o ni tupe, e matua leai lava soo se mea fou e uiga i lea itu. E tupu i taimi uma e ala i le tele o faiga eseese ma e foa’i e tagata tupe ma le alofa.

Ua uma ona tatou vaaia lenei tulaga i le tele o tausaga ma o se mea uiga ese lea. A pa’ia loa lenei mea tau  faamata’u o le kanesa, ona manaomia loa lea e tagata lelei o loo i le Faalapotopotoga o le Kanesa a Samoa- le fesoasoani atoa latou te mafai ona maua.

Ia te a’u lava ia, e le tele ni taimi ua tatou talanoa ai e uiga i le kanesa pe a fua i le faateteleina o lea tulaga i totonu o Samoa. E ui lava ina o le faataua e masani ona tuuina atu i le tino puta, toto maualuga ma isi lava gasegase o loo aafia ai le to’atele o tatou tagata (ae leai se mea e leaga ai lea taumafaiga), o le kanesa o se mea lea tau le fasioti tagata e le pisa.

O le pogai lea e tatau ai ona tatou talanoa i ai, ma fai ni leo ma le faamoemoe e faapea o le faatupu ai le iloa o faiga e puipui ai ma ia tuuina atu i lea lava taimi se sao i taumafaiga ina ia faaleleia le faatupeina mo faalapotopotoga e pei o le Sosaiete o le Kanesa a Samoa e fesoasoani ai i o tatou tagata.

O le mea moni e faapea o loo maliliu tagata mai le kanesa i aso uma. E leai se tasi o i tatou e mafai ona fai mai e leai se tasi e pele ia i tatou ua maumau ona o le kanesa.

E tofu tagata uma lava ma le tala e faaalia ma ua aafia tagata uma lava i le kanesa ona lea mafuaga poo se isi lava mafuaga.

O se mea faatiga lea ua le toe mafai ona tatou fulitua i ai ma o lea e tatau ai ona fai taumafaiga uma e faatupu ai le ilo ma le faaleleia o faiga e tatau ai e lagolago ai.

Ona tatou toe taliu atu ai lea i ni tamaitai se to’atolu o loo tuuina atu o latou tino i mea faigata i lenei aso i Savaii mo lea faamoemoe. Matou te le o talanoa atu e uiga i se vaega o ni tagata taalo iloa ia e leai se latou mea e faia vagana ai le tapenapena mo nei taaloga.

E matua leai lava. O lea matou te talanoa atu e uiga i ni tamaitai masani ma o latou aiga o loo sailia ma galuega e fai ia o loo faia se mea e matua aoga e manaomia ai la tatou lagolago.

O Leilani ma Akesa ua manino mai o le a auai i le ‘Afa-malafoni (21 kilomita) ma Naomi i le tuuga e 10 kilomita. E lea o se mea faigofie lenei, pe a faapea o le latou tuuga muamua lava nei faava-o-malo.

E tusa ai ma le mea ua faailoa mai ia i matou, o lea vaega o tamaitai ua latou faata’oto se matati’a e NZ$500 ma o tupe uma ua latou faamoemoe e maua o le a tuuina atu i le Sosaiete o le Kanesa a Samoa. 

E tusa ai ma le leo o mea, ua uma ona faataatia e i latou lava se fuafuaga lelei ma le faamoemoe o le leai o ni folafolaga ae ia matua tuuina atu ina ia tini ma taunuu.

Ae peitai-e le afaina poo le a le tele o tupe, e afaina ai. O le mea moni, o le fe’au moni e faatupu malosi o i totonu o lenei tala e le o le tupe; ae o le manatu e faapea ua ‘ausia e lenei tamaitai le loloto o i latou lava e fai ai se mea e fesoasoani ai.

O le mea ua mautinoa o le a tofu i latou uma ma tala eseese e faailoa atu e uiga i le latou malaga i le mea ua latou taunuu nei i ai ma le pogai ua latou faatinoina ai lea taumafaiga.

E pei lava o le toatele o tagatailoa ia sa auai i sailiga tupe talu ai nei mo le kanesa  e pei o se taumafaiga e faafuga o latou ao i le tausaga talu ai lea na maua ai faitau afe ma afe na maua mo lea faamoemoe.

Mo le toatele o i tatou ua uma ona tatou iloa le maumau o se tagata  o se aiga poo se uo-mamae ona o le kanesa, o le a tatou iloa le tulaga faa-tama’ia ma le faanoanoa e maua mai ai.

Ma o le a tatou iloa foi e faapea o le a tatou faia soo se mea e taofia ai se isi lava tagata mai le uia o lea tulaga. Ma  o lena tulaga e aofia ai le mea moni  e faapea o sene ta’itasi uma e taua mo taumafaiga e tau lenei mea uiga ese mata’utia.  

I se tasi itu-o lea malafoni e amata i le itula e 5.30 i le taeai i Sale’aula i le asō. Ia- o moomooga nei ma faamanuiaga ia Leilani, Akesa ma Naomi-ina ia manuia le faamoemoe. Ae mo le toatele o le tatou ‘au-faitau, ia outou maua se faaiuga matagofie o le vaiaso, ma ia faamanuia atu le Atua!

By Mata'afa Keni Lesa 16 April 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>