Faigata nei aso

By Ulimasao Fata 13 November 2017, 12:00AM

O le taugata ai o le soifuaga o se itu faigata tele lea ua o’o i ai nei aso.

O lea le finagalo o Iona Saufo’i i le Fofoga o Samoa i le aso ananafi.

“Ia masalo ua leai ma se tasi lava o Samoa o toe ese mai se tali mai lea tulaga pe a fua atu ai le tau o le soifuaga ua i ai nei.

“Ua o tatou tau silafia uma lea tulaga ma o se itu e ao ona silasila lelei i ai aua le aga’i atu ai le lumana’i aemaise le gasologa o mea fai.

“O le uiga o la’u tala o mea ua i ai le taimi lenei, o lea lava le tulaga ua o tatou va’ava’ai atu ai aemaise o le aga’i atu ai le lumanai.

“O se itu taua tele lea i a te a’u lava ia, pe a silasila toto’a lava i ai aua e pei o lea lava le tualga ua i ai le soifuaga ua i ai nei.

Na ia fa’ailoa o le tele ai o tamaiti o lo’o faatau oloa o se tasi lea o vaega ua tua i ai aiga i lenei taimi.

“O le uiga o la’u tala e ala ona ave tamaiti e fa’atau oloa ona ua le gafatia lava le tau o le soifuaga o lo’o ua i ai nei.

“O se itu faigata tele lea ua i ai Samoa, ma o le tele o tagata e pei o lea lava le tulaga olo’o ua i ai, ona o le le lava o avanoa faigaluega.

‘E le gata i Upolu ae o letele o vaega o le atunu’u, ae a fuafua atu ai le tau o le soifuaga ia ua le fetaui lava i lo’u ia iloa i ai.

‘O se itu e ao lava ona silasila lelei i ai le malo aua o vaega uma ia , a le lelei e mafai ona ‘a’afia ai le tele o tagata o le atunu’u.

“O le itu tau totogi ia ua maualalo tele, o le tali lava o fa’afitauli nei o le fa’atele o avanoa faigaluega ia ma se’i tau si’i atu ai ma totogi.

“Ona o el faigata tele o le tulaga ua i ai nei.

By Ulimasao Fata 13 November 2017, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>