TA’UTINOGA A SAGATO AOKUSITINO-OLA FAATA’ITA’I IA Keriso

By Fuimaono Na’oia Faasavalu Touli F. Tupua 03 April 2016, 12:00AM

E TATAU ONA TATOU MAPU I LE ATUA I LO OLOA UMA LAVA MA MEAALOFA

“Poo a lava mea ma mea uma o loo i ai-e tatau ona e mapu i taimi uma lava i le Alii, Lo’u Agaga e-ua na o Ia lava le mapusaga e faavavau o tagata pa’ia uma.

Ia e tu’u mai ia te a’u Iesu alofa e-ina ia ‘ou mapu atu ia te Oe-i lo le mamalu uma ma le faaeaina-i lo le malosi uma ma le mamalu-ia sili atu i lo le poto uma lava ma le poto masani-i lo le tamaoaiga uma lava ma le iloa, i lo le fiafia uma ma le olioli-i lo le ta’uta’ua ma viiga-i lo mea lelei uma ma le faamaiseina, ia sili atu i lo le faamoemoe uma ma folafolaga; ia sili atu i lo mea lelei ma le agaga faanaunau, ia sili atu i lo meaalofa uma ma taui e mafai ona

E tuuina mai -ma liligi mai-ia sili atu i lo le fiafia ma le olioli e mafai e le mafaufau ona talia ma na lagona- e ala i se upu e sili atu i lo agelu ma Agelu Sili, ma le fitatifa uma a le Lagi-ia sili atu i lo mea e vaaia-ma mea uma lava na faia e lau Afio-o lo’u Atua lea!

By Fuimaono Na’oia Faasavalu Touli F. Tupua 03 April 2016, 12:00AM

Trending Stories

Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>